María de Francia e de Aquitania

María de Francia e Aquitania, nada en 1145 e finada o 11 de marzo de 1198, foi unha princesa de Francia e rexente do condado de Champaña (1181 - 1187 e 1190 - 1197). Participou na cultivada corte de Leonor de Aquitania en Poitiers (1170-1173) e ela mesma mantivo unha corte de amor brillante e protexeu ou alentou a varios escritores, entre os cales estaban Chrétien de Troyes, Gace Brulé, Gautier d'Arras, Guiot de Provins, Huon d'Oisy ou Geoffroi de Villehardouin.

María de Francia e de Aquitania
Nacemento	1145
Lugar de nacemento	Reino de Francia
Falecemento	11 de marzo de 1198
Lugar de falecemento	Meaux
Soterrada	Meaux Cathedral
Nacionalidade	Francia
Ocupación	aristócrata
Pai	Luís VII de Francia
Nai	Leonor de Aquitania
Cónxuxe	Henrique I de Champaña
Fillos	Henrique II de Jerusalém, Scholastique of Champagne, Maria de Champanhe e Teobaldo III de Champaña
Irmáns	Margarida de Francia, Leonor Plantagenet, Inés de Francia, Joana de Inglaterra, rainha da Sicília, Adela de Francia, Matilde de Inglaterra, Duquesa da Saxônia, Adelaida de Francia, Xoán I de Inglaterra, Henrique o Rei Mozo, Godofredo II da Bretaña, Filipe II de Francia, Ricardo I de Inglaterra e Guilherme, Conde de Poitiers
Na rede
[ editar datos en Wikidata ]

Traxectoria

Orixes familiares

Primeira filla do rei Luís VII de Francia e da súa primeira esposa, Leonor de Aquitania. Era neta por liña paterna de Luís VI de Francia e de Adelaida de Savoia, e por liña materna de Guillerme X de Aquitania e Leonor de Châtellerault. Era a irmá máis vella, por parte de nai, dos futuros reis de Inglaterra Ricardo Corazón de León e Xoán sen Terra.

Matrimonio e descendentes

Casou en 1164 con Henrique I de Champaña, conde de Champaña e Brie. Desta unión naceron cinco fillos:

• O infante Henrique II de Champaña (1166 - 1197), conde de Champaña e de Hainaut e rei de Xerusalén.
• Princesa María de Champaña (1174 - 1204), casada en 1186 con Balduíno IX de Flandres, emperador latino de Constantinopla.
• O infante Teobaldo III de Champaña (1179 - 1201), conde de Champaña e pai de Teobaldo I de Navarra.
• a infanta Escolástica de Champaña (? - 1219), casada con Guillerme IV de Mâcon.

Tras a morte do seu marido, asumiu a rexencia do condado de Champaña en nome do seu fillo ata o ano 1187. En 1190, o seu fillo foi loitar en Terra Santa e ela volveu ser rexente do reino, ata que Henrique II casou coa raíña de Xerusalén e foi nomeado rei. Cando o seu fillo Henrique II morreu en 1197, María de Francia cedeu o poder ao seu segundo fillo Teobaldo II e retirouse a un convento. Morreu en 1198.