María Escario

María Esperanza Rodríguez Escario, nada en Madrid o 18 de decembro de 1959, é unha xornalista española, presentadora de Televisión Española.

María Escario

Biografía
Nacemento	(es) María Esperanza Rodríguez Escario 18 de decembro de 1959 (64 anos) Madrid, España
Datos persoais
País de nacionalidade	España
Educación	Universidade Complutense de Madrid - Q67146338 (1977–1982)
Actividade
Lugar de traballo	Estudios de Prado del Rey
Ocupación	xornalista , presentadora de televisión
Período de actividade	1982 -
Empregador	RTVE (1985–)
Lingua	Lingua castelá

Traxectoria

É licenciada en xornalismo pola Universidade Complutense de Madrid, e comezou a súa carreira profesional facendo vídeos didácticos para as escolas nunha produtora. No ano 1985 comezou a traballar en TVE, contratada por Pedro Erquicia. Nesta cadea ten presentado todas as edicións do Telediario, o programa 48 horas, con Andrés Aberasturi e o informativo Buenos días, con Pedro Erquicia.

María Escario é coñecida en boa medida pola súa ligazón estreita coa información deportiva. Presentou Estudio Estadio, Estadio 2 (domingo deporte) e desde 1986 aparece diariamente no noticiario chamado Telediario na primeira canle de televisión da Radio Televisión Española, téndose a especializar, desde o ano 1989 en información deportiva.

Foi nomeada aos Premios ATV de 2002 como a Mellor Comunicadora de Programas Informativos polo seu traballo á fronte do noticiario Telediario.

En febreiro de 2012 foi internada no hospital por mor dun accidente vascular encefálico.

En 2013 recibiu o Premio Ondas á mellor presentadora.

Desde setembro de 2014, coas mudanzas no equipo dos informativos de Televisión Española, María Escario marchou da sección deportiva do telediario, despois de case 30 anos en pantalla. Desde setembro de 2014 Escario é responsable das reportaxes informativas relacionadas co mundo do deporte en '‘Enfoque’', a microsección incluída no Telediario da noite (TD2) de La 1 que aborda varios temas con máis profundidade.