María Antonia Iglesias

xornalista española

María Antonia Iglesias González, nada en Ourense o 15 de xaneiro de 1945 e finada en Panxón, Nigrán, o 29 de xullo de 2014, foi unha xornalista galega.

María Antonia Iglesias
Maria Antonia Iglesias firmando en la Feria del Libro de Madrid de 2007.jpg
Nacemento15 de xaneiro de 1945
 Ourense
Falecemento29 de xullo de 2014
 Nigrán
NacionalidadeEspaña
Ocupaciónxornalista e escritora
editar datos en Wikidata ]

BiografíaEditar

Comezou a súa traxectoria profesional en prensa escrita, colaborando no xornal Informaciones. Despois seguirían outras publicacións como as revistas Triunfo, Tiempo e Interviú.

En 1984 ingresou en Televisión Española, e integrouse no elenco dos servizos informativos. A partir dese momento colaborou como reporteira no espazo Informe semanal, do que finalmente sería nomeada directora en 1989.

Un ano máis tarde foi nomeada directora dos servizos informativos de TVE, cargo no que permaneceu ata maio de 1996, sendo relevada por Ernesto Sáenz de Buruaga.

Colaborou dende entón no xornal El País, onde publicou numerosas entrevistas aos principais líderes políticos, e participou como analista en diversos faladoiros de actualidade, tanto en radio - Hoy por hoy da Cadena SER; La Brújula (2002), de Onda Cero; Protagonistas (2004-2006) de Punto Radio -, como en televisión: Día a día (1996-2004), en Telecinco; Cada día (2004-2005) e Lo que inTeresa (2006), en Antena 3; Las Mañanas de Cuatro (2006-2008), en Cuatro e Madrid opina (2006-2007) en Telemadrid.

Libros publicadosEditar

  • Ermua, cuatro días de julio (1997), sobre o asasinato de Miguel Ángel Blanco.
  • Aquella España dulce y amarga / Carmen Sevilla e Paco Rabal (1999).
  • La memoria recuperada (2003), sobre os anos de Goberno de Felipe González.
  • Maestros de la República. Los otros santos, los otros mártires (2006).
  • Cuerpo a cuerpo. Cómo son y cómo piensan los políticos españoles (2007), recompilatorio de entrevistas realizadas pola autora.

Vida persoalEditar

Era filla do musicólogo Antonio Iglesias.

Véxase taménEditar

Ligazóns externasEditar