Manuel Vázquez de Parga
Manuel Vázquez de Parga Somoza y Pallares, III conde de Pallares, nado en Vilalba o 13 de xuño de 1828 e finado en Madrid o 11 de novembro de 1908, foi un avogado e político galego.
| Manuel Vázquez de Parga | |
|---|---|
 | |
| Nacemento | 13 de xuño de 1828 |
| Lugar de nacemento | Vilalba |
| Falecemento | 11 de novembro de 1908 |
| Lugar de falecemento | Madrid |
| Nacionalidade | España |
| Ocupación | avogado e político |
| [ editar datos en Wikidata ] | |
TraxectoriaEditar
Fillo de Antonio Vázquez de Parga Baamonde. Estudou leis en Salamanca, Santiago de Compostela e Madrid, onde se graduou en 1851. Foi deputado polos distritos de Lugo (1857-1858), Mondoñedo (1863-1864) e Vilalba (1871-1872, 1876-1877) e senador por Lugo (1872) e vitalicio dende 1877. Foi membro do Consello de Estado (1893-1904) e do Tribunal Contencioso-Administrativo (1897).
Fundou e dirixiu Revista de Galicia (1850), fundou El Correo de Lugo (1860) e cofundou e dirixiu El Eco de Galicia (1872) onde levou a cabo unha campaña sobre a "Cuestión Foral" e, con Antonio Medina, outra sobre a "Construción del Ferrocarril, línea general del Noroeste".
ObrasEditar
- Memoria sobre la necesidad de establecer escuelas de agricultura en Galicia (con José Pardo Bazán), 1862.
Vida persoalEditar
Casou con María Paz de la Riva Estévez e foi pai de Germán e Nicolás Vázquez de Parga de la Riva.
Véxase taménEditar
BibliografíaEditar
- Veiga Alonso, Xosé Ramón (1996). Progreso, prensa e ferrocarrís en Galicia. A actividade do Conde de Pallares (1855-1883). Lugo: Deputación Provincial. ISBN 84-8192-071-1.