Manuel Martínez Núñez

mestre e político galego

Manuel Martínez Núñez,[1] nado en Baralla o 12 de setembro de 1954, é un mestre e político galego do partido Galicia Sempre.

Manuel Martínez Núñez
Nacemento12 de setembro de 1954
Lugar de nacementoBaralla
NacionalidadeEspaña
Ocupaciónpolítico e mestre
editar datos en Wikidata ]

Traxectoria editar

É diplomado en Maxisterio e licenciado en Pedagoxía. Vinculado ao PSdeG-PSOE dende 1979, foi deputado no Congreso dos Deputados na III e IV lexislaturas (entre 1986 e 1993).[2]

A nivel local foi concelleiro de Becerreá entre 1995 e 2007, ano en que pasou a ser alcalde nas listas do PSdeG-PSOE. Revalidou o cargo en 2011 e 2015, este ano con maioría absoluta. Para as eleccións municipais de 2019 creou un partido ao redor da súa persoa, Galicia Sempre,[3][4] co que acadou a maioría absoluta na alcaldía de Becerreá.[5] Nas eleccións municipais de 2023, malia gañar con 5 concelleiros por 4 do PP e 2 do BNG, baixou 1 concelleiro e perdeu a maioría absoluta anterior.[6] Conseguiu ser alcalde mais os grupos da oposicíón xuntaron os seus votos para deixalo sen adicación exclusiva e, por tanto, sen soldo.[6]

Actividade na Deputación Provincial editar

Entrou a formar parte da Deputación de Lugo en 1999 e foi deputado provincial polo partido xudicial de Lugo, na que ocupou a Área de Infraestruturas e Obras.[7]

En 2015, tras un veto do BNG a que se convertese en presidente da Deputación, o PSdeG-PSOE designou como candidato a Darío Campos, alcalde da Pontenova. Diante desa circunstancia, Martínez votouse a si mesmo na primeira volta e na segunda votou en branco, o que facilitou que o PPdeG acadase a presidencia da Deputación de Lugo na persoa de Elena Candia.[8] Aos catro meses, volveu á disciplina socialista e facilitou unha moción de censura para que Darío Campos se convertese en presidente da Deputación e el mesmo en vicepresidente e responsable de Vías e Obras.[9] Posteriormente, abandonou o PSdeG-PSOE por segunda vez, quedando como deputado non adscrito.[9]

Notas editar

  1. www.elcorreogallego.es (ed.). "Regidores en la provincia de Lugo". Arquivado dende o orixinal o 03/02/2012. Consultado o 18/12/2010.  (en castelán)
  2. "Martínez Núñez, Manuel". Congreso.es (en castelán). Arquivado dende o orixinal o 20-03-2019. Consultado o 26-7-2019. 
  3. "Manuel Martínez presenta o seu partido, Galicia Sempre". crtvg.es. 25-3-2019. Consultado o 26-6-2019. 
  4. Varela, Suso (25-3-2019). "Martínez presenta su partido: Galicia Sempre". lavozdegalicia.es (en castelán). Consultado o 26-6-2019. 
  5. "As eleccións municipais do domingo deixaron algún resultado rechamante". crtvg.es. 28-5-2019. Consultado o 22-6-2019. 
  6. 6,0 6,1 Redacción (14 de xullo de 2023). "Manuel Martínez no tendrá sueldo como alcalde de Becerreá al no llegar a un acuerdo con PP y BNG". lavozdegalicia.es (en castelán). Consultado o 7 de setembro de 2023. 
  7. www.deputacionlugo.org (ed.). "Relación de deputados provinciais por partidos xudiciais". Arquivado dende o orixinal o 27/12/2010. Consultado o 18/12/2010. 
  8. Lombao, DAvid (2015-06-24). "O alcalde de Becerreá racha co PSOE e dálle a Deputación de Lugo ao PP". Praza Pública. Consultado o 2023-09-07. 
  9. 9,0 9,1 Redacción (15 de xullo de 2019). "Manuel Martínez: “No me arrepiento de nada”". cope.es (en castelán). Consultado o 7 de setembro de 2023. 

Véxase tamén editar

Outros artigos editar

Ligazóns externas editar

Predecesor:
Antonio Fernández Pombo
 
Alcalde de Becerreá

2007 - actualidade
Sucesor:
no cargo