Manuel Dios Diz
Manuel Dios Diz, nado en Santiago de Compostela o 14 de xaneiro de 1953, é un mestre e escritor galego.
  | |
| Biografía | |
|---|---|
| Nacemento | 14 de xaneiro de 1953 (71 anos) Santiago de Compostela, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | mestre , político |
| Lingua | Lingua galega e lingua castelá |
Traxectoria editar
Mestre, licenciado en Xeografía e Historia e doutorando en Estudos Contemporáneos pola Universidade de Santiago de Compostela. Militante da UPG, foi secretario xeral da Unión dos Traballadores do Ensido de Galiza (UTEG). Partidario de profesionalizar e dar máis peso ao BN-PG, foi expulsado da UPG en maio de 1981[1]. É profesor no IES de Cacheiras (Teo). Secretario xeral do Sindicato Galego do Ensino e a Investigación-CXTG. En 1994 ao se unir a CXTG e a INTG para crearen a Confederación Intersindical Galega formou parte da súa primeira executiva[2].
Foi fundador e presidente do Seminario Galego de Educación para a Paz (1985). En 2012 converteuse nun dos tres voceiros de Espazo Ecogaleguista[3] e continuou como co-voceiro ao se transformar en Espazo Ecosocialista Galego. Foi concelleiro en Santiago de Compostela por Compostela Aberta entre 2015 e 2019 e asemade deputado provincial.
É autor de Unidades Didácticas para o profesorado sobre educación para a Paz. Xubilouse en 2013 no IES de Cacheiras.
Notas editar
- ↑ Expulsados varios dirigentes de Unión del Pueblo Gallego
- ↑ "A 20 anos do Congreso Constituínte da CIG, a forza da unidade". cig.gal. 19 de marzo de 2014.
- ↑ "O Espazo Ecogaleguista contactará co Novo Proxecto Común e outros grupos de esquerda". praza.gal. 26 de febreiro de 2022.