Manuel Cabaleiro Goás
Manuel Cabaleiro Goás, nado na Coruña o 6 de xaneiro de 1918 e finado en Santiago de Compostela o 1 de febreiro de 1977,[1] foi un psiquiatra e antropólogo galego.
| Biografía | |
|---|---|
| Nacemento | 6 de xaneiro de 1918  A Coruña, España |
| Morte | 1 de febreiro de 1977 (59 anos) Santiago de Compostela, España |
| Datos persoais | |
| País de nacionalidade | España |
| Actividade | |
| Ocupación | psiquiatra , médico |
| Lingua | Lingua castelá |
 | |
Traxectoria editar
Cursou o bacharelato no Instituto da Coruña. Comezou a carreira de Medicina na Universidade de Santiago de Compostela en 1934. Interrompida pola Guerra Civil, licenciouse en 1942. Formouse en Neuroloxía e Psiquiatría co seu mestre José Pérez López-Villamil no Sanatorio San José de Vigo. Doutorouse en 1953 na Universidade de Madrid coa tese: La Psiquiatría en la Medicina Popular de Galicia, dirixida por Pedro Laín Entralgo.
En 1943 abriu en Ourense con Nicandro Pérez Vázquez un sanatorio psiquiátrico privado. Entre 1954 e 1961 realizou estancias de varios meses en centros psiquiátricos europeos de Francia, Suíza e Alemaña, visitando Sainte-Anne, con Delay, Charenton, con Henri Baruk, Bonneval, con Henri Ey, e o Centro de Tratamento e Readaptación en Neully-Sur-Marne. No verán de 1959 o Patronato Nacional de Asistencia Psiquiátrica (PANAP) inaugura o Hospital Psiquiátrico de Toén que dirixiu Cabaleiro até a súa morte.
Obras editar
- Temas Psiquiátricos (1959, 1963).
Notas editar
- ↑ La Voz de Galicia, 2-2-1977, p. 21.
Véxase tamén editar
Bibliografía editar
- Dicionario biográfico de Galicia 1. Ir Indo Edicións. 2010-2011.