Manuae, Illas Cook
| Manuae | |
|---|---|
_Aerial.jpg)
| |
| Datos | |
| País | Illas Cook |
| Illa principal | Manuae |
| Linguas | |
| Poboación (2009) | Deshabitado |
| Superficie | 6 km² |
| Superficie lagoa | 13 km² |
| Nº de illas | 2 |
| Coordenadas | 19°16′9″S 158°56′30″O / -19.26917, -158.94167 |
| Maior Altura | 5 m. |
| Localización | |
| |
Manuae é un atol deshabitado do grupo meridional das Illas Cook. Atópase a 100 quilómetros ao sueste de Aitutaki. Componse de dous illotes, Manuae e Te Au O Tu cunha área total de 6 quilómetros cadrados. Están en lugares contrapostos nos bordos da lagoa interior, cuxa extensión é de 7 quilómetros de longo por 4 de ancho. A maior altitude é 5 metros sobre o nivel do mar. O atol de Manuae atópase sobre o pico dun volcán submarino que se eleva 4000 metros sobre a plataforma mariña.
As Illas forman un parque mariño e é un importante punto de cría de aves mariñas e tartarugas. As augas ribeiregas son ricas en vida mariña e unha boa zona pesqueira. Diferentes axencias turísticas ofrecen visitas ás illas.
James Cook foi o primeiro europeo en descubrir as illas en setembro de 1773. De feito, Maunae foi a primeira illa que se descubriu do arquipélago das Illas Cook. O primeiro nome que recibiron do seu descubridor foi Illa Sandwich, pero pronto se cambiou a illa Hervey. Nome que aos poucos pasou a usarse co xenitivo saxón (Hervey's). De feito, este nome foi usado para chamar ao grupo meridional das Illas Cook ata que os rusos volvérono a denominar co nome do seu descubridor.
O noruegués Erlend Loe na súa obra "L" relata con humor unha expedición a Manuae en 1999.