Magis Iglesias
Ángeles Iglesias Bello, nada en Vigo en 1956, é unha xornalista galega, coñecida profesionalmente como Magis Iglesias.
  | |
| Biografía | |
|---|---|
| Nacemento | 1956 (67/68 anos) Vigo, España |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Ocupación | xornalista , escritora |
| Lingua | Lingua castelá |
Traxectoria editar
Licenciouse en Ciencias da información pola Universidade Complutense de Madrid. Comezou a traballar en La Voz de Galicia e Faro de Vigo, do que creou a delegación da Coruña. Formou parte do primeiro equipo de redactores que en 1985 puxo en marcha a Televisión de Galicia, onde fixo tarefas de reporteira, xefa de sección e coordinadora electoral.
Foi redactora xefa de Política na axencia de noticias Colpisa, vinculada a Vocento, onde se ocupa da información parlamentaria. Desde 1988 cubriu os acontecementos referidos ao Partido Popular e os seus líderes. Ademais, colaborou como contertulia nos programas Hoy por hoy da Cadena SER e Los desayunos de TVE.
En 2004 publicou o libro La Sucesión (Editorial Temas de hoy), no que relata o desenvolvemento dos acontecementos que levaron ao presidente José María Aznar a designar Mariano Rajoy como o seu sucesor.
O 20 de setembro de 2008 foi elixida presidenta da Federación de Asociacións de Periodistas de España,[1], a primeira muller que accedeu ao cargo, e ocupou o posto até 2010.[2]
Desde 2012 é Directora de Comunicación da Entidade Pública Marca España.
Obras editar
- La Sucesión (2004)
Notas editar
- ↑ Diario de León, ed. (28 de setembro de 2008). "Magis Iglesias, nueva presidenta de la Federación de Periodistas". Arquivado dende o orixinal o 28 de xullo de 2014. Consultado o 28 de xullo de 2014.
- ↑ Pensamientocrítico.org, ed. (18 de novembro de 2011). "Rajoy como presidente". Consultado o 28 de xullo de 2014.