Magda Torres Gurza
Magda Torres Gurza, nada en Cidade de México o 10 de maio de 1974, é unha pintora mexicana, dedicada principalmente ao hiperrealismo.
| Biografía | |
|---|---|
| Nacemento | maio de 1974  (49 anos)México |
| Datos persoais | |
| País de nacionalidade | México |
| Actividade | |
| Ocupación | pintora |
| Páxina web | magdatorresgurza.com |
 | |
Traxectoria editar
Primeiros anos editar
A súa nai pintora apoiouna para converterse en pintora. Debido a un grave accidente aos 18 anos, que ameazaba coa perda da visión, decidiu dedicarse de cheo ao traballo da pintura. [1]
Formación e recoñecementos editar
Comezou os seus estudos no Instituto Regional de Bellas Artes, onde obtivo unha Mención de Honra en 1993, o mesmo ano no que realizou a súa primeira exposición.
Cursou unha diplomatura en Historia da Arte, outra en Técnicas e Materiais para as Artes Plásticas e a licenciatura en Fotografía.
Entre 2002 e 2013, recibiu múltiples premios como artista e docente, como o do Consejo Nacional para la Cultura y las Artes e o da Casa-Museo David Alfaro Siqueiros.
Outras actividades editar
A través do seu traballo altruísta axudou a colectivos como os nenos da rúa ou pintores sen mans. En 2013 creou o proxecto “Artistas al Cubo”[2], conseguindo reunir a participación de máis de 550 artistas que transformaron cubos en obras de arte, levándoos á poxa para apoiar o tratamento de nenos con enfermidades terminais, como o cancro e a sida, atendidos no Hospital Infantil Morelense. Tamén en 2013 participou no proxecto Encorazona2,[3] en apoio a nenos con deficiencias visuais.
Selección de mostras individuais e colectivas editar
- 2015 - Peza do mes, Museo Fundación Santiago Carbonell, México
- 2015 - Día Mundial da Arte, Museo José Luis Cuevas, México
- 2015 - Primeira Bienal de Arte de Barcelona, Museo Europeo de Arte Moderna, Barcelona,[4]
- 2015 - Feira Internacional de Arte de Ámsterdam, Beurs Van Berlage, Ámsterdam, Países Baixos
- 2014 - Día Mundial da Arte, Museo José Luis Cuevas, México [5] [6]
- 2014 - Spain Art Open House, Salamanca.[7]
- 2014 - Para Dos, Museo Torres Bicentenario, Toluca, Estado de México
- 2013 - "8 in art" Centro Cultural de Santiago, República Dominicana
- 2012 - Taller MTG, Mission del Sol, Cuernavaca, México
- 2004 - "Mujeres en el Arte", Instituto de Cultura de Morelos, México
- 2004 - La Tallera, Museo Casa Estudio de David Alfaro Siqueiros, Cuernavaca, México
Selección de premios e distincións editar
Notas editar
- ↑ "Magda Torres Gurza." (en castelán). México, Morelos.: Etcetera. 10 de maio de 2013. Arquivado dende o orixinal o 24 de setembro de 2015.
- ↑ "Arte con Causa." (en castelán). México, Morelos.: Diario de Morelos. 8 de decembro de 2013. Consultado o 9 de xullo de 2015.
- ↑ "Encorazonados Obras donadas con el corazón." (en castelán). Toluca, Estado de México.: El Sol de Toluca. 3 de decembro de 2013. Arquivado dende o orixinal o 05 de marzo de 2016.
- ↑ "Magda Torres Gurza Entre el surrealismo y el hiperrealismo; lo mejor de dos mundos.". México, México.: Status. 28 de maio de 2015. Arquivado dende o orixinal o 10 de xullo de 2015. Consultado o 9 de xullo de 2015.
- ↑ "Información para tratamiento informativo sobre el día mundial del arte." (en castelán). México, Queretaro.: Diario Rotativo. 18 de abril de 2014. Arquivado dende o orixinal o 11 de xullo de 2015. Consultado o 9 de julio de 2015.
- ↑ "Celebran con exposición colectiva el día mundial del arte." (en castelán). México, México.: CONACULTA. 16 de abril de 2014.
- ↑ "La artista Magda Torres sorprende por su forma de pintar." (en castelán). México: Televisa Foro TV. 26 de decembro de 2014.