Madrygal. Revista de estudios gallegos
Madrygal. Revista de Estudios Gallegos, é unha revista plurilingüe que se publica en Madrid dende 1998.
| Madrygal. Revista de estudios gallegos | |
|---|---|
| País | España |
| Primeira edición | 1998 |
| Circulación | |
| ISSN | 1138-9664 |
| http://revistas.ucm.es/index.php/MADR | |
| [ editar datos en Wikidata ] | |
HistoriaEditar
Apareceu en 1998 por iniciativa do Departamento de Filoloxía Románica, Eslava e Lingüística Xeral da Universidade Complutense de Madrid, co obxectivo de contribuír á consolidación, desenvolvemento e difusión da lingua, literatura e cultura galegas dende fóra de Galicia e máis alá do seu ámbito educativo, filolóxico ou político. A publicación leva no título as iniciais de Madrid e Galicia como punto de partida para establecer un diálogo transfronteirizo, especialmente condensado nas áreas iberorrománica e hispanoamericana.[1]
Conta coa seccións Artigos, Crónica, Creación, Traducción, Entrevista e Recensións.[1]
Está subvencionada pola Dirección Xeral de Política Lingüística. A primeira directora foi María Josefa Postigo Aldeamil ata o número 4, cando pasou a compartir este cargo con Carmen Mejía Ruiz, anteriormente subdirectora e a partir do número 7 a súa única directora. Alonso Zamora Vicente figura como director honorífico.[1]