Montserrat (monte)

Montserrat
Tipo	cordilleira; montaña
Localización
Continente	Europa
División administrativa	Anoia, España, Baix Llobregat, España, Bages, España e Cataluña, España
	41°36′19″N 1°48′33″L / 41.6053, 1.8092
Cordilleira	Cordilleira Prelitoral
Características
Altitude	1.237 m
Dimensións	5 () × 10 () km ;
Punto máis baixo	Riera de Marganell (en) (130 m )
Punto máis alto	Sant Jeroni (1.237 m )
Material usado	Conglomerado (xeoloxía)
Historia
Período de tempo	Eoceno

Para outras páxinas con títulos homónimos véxase: Montserrat.

Montserrat é un macizo rochoso situado no nordés da Península Ibérica, considerado tradicionalmente a montaña máis importante e significativa de Cataluña. Está situada a 50 km ao noroeste da cidade de Barcelona entre as comarcas de Anoia, Baix Llobregat e Bages. Nesta montaña sitúase o santuario e mosteiro beneditino de Montserrat dedicado á Virxe de Montserrat.

O seu nome provén das palabras mont que significa monte, e serrat, que significa serrado en catalán. Tanto serrat como serralada (cordilleira) proveñen de serra, e precisamente esta palabra deriva do latín serra, que é o nome do instrumento para serrar, pola forma que teñen as montañas encadeadas consecutivamente, que fan pensar nos dentes dunha serra. Nas representacións heráldicas, Montserrat aparece como un grupo de montañas de ouro sobre campo vermello cunha serra de ouro que a curta por encima.

Trátase dun macizo de forma singular que se alza bruscamente ao oeste do río Llobregat ata os 1.236 metros de altura do pico de Sant Jeroni. Outros picos destacados son o Cavall Bernat, as Agulles, o Serrat del Moro, o Montgròs, Sant Joan e a Palomera. En 1987 foi declarado parque natural para garantir a súa conservación.

Montserrat (monte)

Véxase tamén

Outros artigos