Macapá

Macapá é a capital e o maior concello do Estado brasileiro do Amapá. É a única capital de estado brasileira que non ten ligazón por estrada con outras capitais de estado. Está a 345 km de Belém do Pará, percorridos en 40 minutos de avión ou de 20 a 24 horas de barco, nas liñas regulares que funcionan na rexión. Sitúase á marxe do brazo máis curto do río Amazonas no seu acceso ao mar.

Macapá

Brasón
Himno	Hino do município de Macapá (pt)
Localización
0°01′59″N 51°03′55″O
Estado	Brasil
Unidades da federación	Amapá
Capital de	Amapá
Poboación
Poboación	442.933 (2022) (69,12 hab./km²)
Xeografía
Superficie	6.408,545 km²
Altitude	12 m-17 m-19 m
Comparte fronteira con	Amapá Cutias (pt) Ferreira Gomes (pt) Itaubal (pt) Chaves (pt) Santana (pt) Afuá (pt) Porto Grande (pt)
Creación	4 de febreiro de 1758
Organización política
• Alcalde	Clécio Luis (pt) (2017–)
Órgano lexislativo	Câmara Municipal de Macapá (pt) Circunscrición: 0, (Escano: 23)
Identificador descritivo
Código postal	68906-000
Prefixo telefónico	96
Código de concello do Brasil	1600303
Outro
Irmandado con	Kourou
Páxina web	prefeiturademacapa.ap.gov.br

A orixe da toponimia é indíxena, do ramo lingüístico tupí, sendo unha corruptela do termo macapaba, que significa "lugar das bacabas, unha palmeira nativa da rexión. O primeiro nome da rexión, porén, en 1544, foi Adelantado de Nueva Andaluzia, dado polos españois. Pero a cidade orixinouse soamente despois da construción do Fortaleza de São José no século XVIII, para defender o acceso ao río Amazonas cando aquela rexión xa pertencía a Portugal. Algunhas construcións daquel século aínda permanecen na cidade.

O sur da cidade é atravesado pola Liña do Ecuador. As principais actividades económicas da cidade son o comercio e os servizos. A industria creceu un pouco coa creación da Área de Livre Comércio de Macapá. O turismo ten gran potencial pola proximidade da Amazonia e ten unha boa infraestrutura, pero a distancia das grandes cidades brasileiras dificulta un crecemento moi acentuado desa actividade.

Véxase tamén

Ligazóns externas

• Prefeitura da Cidade de Macapá
• Cidade de Macapá informacións
• Diário do Amapá xornal da cidade.