Luis Rodríguez Míguez
Luis Rodríguez Míguez, nado en Santiago de Compostela en 1932 e finado en Ourense o 27 de febreiro de 2016[1], foi un médico, profesor universitario e escritor galego, recoñecido por ser o pai do termalismo contemporáneo en Galicia, e creador da expresión "vila termal".
| Biografía | |
|---|---|
| Nacemento | 1932  Santiago de Compostela, España |
| Morte | 27 de febreiro de 2016 (83/84 anos) Ourense, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | escritor |
| Lingua | Lingua castelá |
| Familia | |
| Cónxuxe | Mariluz Villar Otón |
| Fillos | Alejandra Juno |
Traxectoria editar
Licenciouse en Medicina pola Universidade de Santiago de Compostela e doutorouse posteriormente cunha tese sobre termalismo e a catalogación dos mananciais na provincia de Ourense. Desenvolveu toda a súa vida profesional en Ourense. Ocupou distintos postos médicos, tanto na atención como na administración. Ocupou a dirección do Centro de Sanidade Ambiental de Galicia, e a xefatura de Sanidade en Ourense. Tamén desenvolveu carreira como profesor universitario, tanto na Universidade de Santiago como na de Vigo, onde deu clase na facultade de Ciencias da Saúde de Ourense.
Dende esa dobre faceta administrativa e médica, promoveu o termalismo na provincia de Ourense, tema sobre o que escribiu libros de carácter histórico. Tamén foi vicepresidente da Sociedade Galega de Xerontoloxía e Xeriatría.
Obras principais editar
- Contos de Vilago de Ribadela (1990, baixo o pseudónimo Lope de Bonaval)
- El termalismo en Galicia en la década de los ochenta (1988)
- Estudio histórico bibliográfico del termalismo: Principales surgencias de la provincia de Orense (1995)
- Ourense termal (2001)
- Pantón, patrimonio y termalismo (2007)
Galardóns editar
- Medalla de Ouro da vila do Carballiño.
- Medalla de Ouro da Facultade de Ciencias do Campus de Ourense da Universidade de Vigo[2]
- Académico da Real Academia de Medicina e Cirurxía de Galicia, onde ingresou en 1999.
- Presidente de honra da Asociación de Ex-alcohólicos de España.
- Medalla de Ouro da Deputación de Ourense (a título póstumo)
Vida persoal editar
Era o home da actriz e escritora Mariluz Villar e pai da escritora Alejandra Juno.
Notas editar
- ↑ Fallece Luis Rodríguez Míguez, el padre del termalismo contemporáneo gallego, nova en Faro de Vigo o 27 de febreiro de 2016. (en castelán)
- ↑ Ourense. "DUVI. Diario da Universidade de Vigo - Pesar polo falecemento de Luis Rodríguez Míguez". duvi.uvigo.es. Consultado o 2016-03-09.