Lucía Puenzo
Lucía Puenzo, nada en Buenos Aires o 28 de novembro de 1976, é unha escritora, directora e guionista de cine arxentina, que ademais traballa con produción executiva e investigación.
  | |
| Biografía | |
|---|---|
| Nacemento | 28 de novembro de 1973 (50 anos) Buenos Aires, Arxentina |
| Datos persoais | |
| País de nacionalidade | Arxentina |
| Educación | Escuela Nacional de Experimentación y Realización Cinematográfica (en)  Universidade de Buenos Aires |
| Actividade | |
| Ocupación | directora de cine , escritora , novelista , guionista |
| Lingua | Lingua castelá |
| Familia | |
| Pai | Luis Puenzo |
   | |
Traxectoria editar
Puenzo formouse en Guión Cinematográfico na Escola Nacional de Experimentación e Realización Cinematográfica (ENERC) de Buenos Aires, graduándose en 2000.
Debutou como novelista en 2004 coa novela El niño pez e desde estón escribiu: Nueve minutos (2005), La maldición de Jacinta Pichimahuida (2007), La furia de la langosta (2009), Wakolda (2010), que foron traducidas a outros idiomas.
Antes da publicación destes libros, Lucía Puenzo traballara no cine como guionista e en 2007 dirixiu a súa primeira película, XXY, coa que obtivo máis de 20 premios internacionais, entre eles o Grand Prix da Semana da Crítica no Festival de Cannes dese ano. O filme foi candidato aos Premios Goya e gañou o Ariel á mellor cinta estranxeira; recibiu tamén galardóns á mellor película e á mellor dirección nos festivais de Edimburgo, Bangkok, de Atenas e de Montreal, entre outros. A este filme seguiulle ao ano seguinte Los invisibles e en 2009 estreou a primeira adaptación dunha novela: El niño pez.
En 2013 levou ao cine, co mesmo título, o seu libro Wakolda, que se desenvolve en Bariloche e trata sobre a estancia na Arxentina do criminal nazi Josef Mengele. Coprodución de varios países, en España estreouse baixo o nome de El médico alemán. No segundo Festival Internacional Unasur Cine, celebrado en San Juan, obtivo catro premios: mellor película, mellor dirección (Lucía Puenzo), mellor actriz (Natalia Oreiro) e revelación (Florencia Bado).[1][2]
En 2010 a revista británica Granta e Granta en español seleccionárona como unha das 22 mellores escritoras en castelán menores de 35 anos.[3]
É filla do tamén director de cine Luís Puenzo.
Filmografía editar
| Ano | Película | Papel |
|---|---|---|
| 2000 | (H) Historias cotidianas | Guionista |
| 2003 | La puta y la ballena | |
| 2006 | A través de tus ojos | |
| 2007 | XXY | Directora e guionista |
| 2008 | Los invisibles | Directora |
| 2009 | El niño pez | Directora e guionista |
| 2010 | Más adelante (curta) | Directora |
| 2013 | Wakolda | Directora e guionista |
| Ano | Ficción | Papel |
|---|---|---|
| 2015 | Cromo (serie de TV) | Directora |
Novelas editar
- El niño pez, Beatriz Viterbo, Buenos Aires, 2004 (Emecé/Planeta 2013)
- Nueve minutos, Beatriz Viterbo, Buenos Aires, 2005 (Emecé/Planeta 2013)
- La maldición de Jacinta Pichimahuida, Interzona, Buenos Aires, 2007 (Emecé/Planeta 2013)
- La furia de la langosta, Mondadori, Buenos Aires, 2009 (España: Duomo Ediciones, 2013)
- Wakolda, Emecé/Planeta, 2011 (España: 2013)
- Los invisibles, TusQuets, 2018
Premios e nomeamentos editar
Premios Goya editar
| Ano | Categoría | Película | Resultado |
|---|---|---|---|
| 2007 | Mellor película estranxeira | XXY | Gañadora |
| 2014 | Mellor película estranxeira | Wakolda | Nomeada |
Premio Ariel editar
| Ano | Categoría | Película | Resultado |
|---|---|---|---|
| 2008 | Mellor película iberoamericana | XXY | Gañadora |
Premio Cóndor de Prata editar
| Ano | Categoría | Película | Resultado |
|---|---|---|---|
| 2008 | Mellor película | XXY | Gañadora |
| Mellor director | Nomeada | ||
| Mellor guión adaptado | Gañadora | ||
| 2014 | Mellor película | Wakolda | Gañadora |
| Mellor director | Gañadora | ||
| Mellor guión adaptado | Gañadora |
Outros premios editar
- Atenas de Ouro 2008 por XXY (Festival Internacional de Cine de Atenas)
- Premio Kinnaree de Ouro 2007 por XXY (Festival Internacional de Cine de Bangkok)
- India Catalina de Ouro 2008 por XXY (Festival de Cine de Cartagena)
- Premio a Novo Director 2008 por XXY (Festival Internacional de Cine de Edimburgo)
- Premio dos Críticos de Cine do Quebec 2007 por XXY (Festival de Cine Novo de Montreal)
- Premios á mellor película e mellor dirección do segundo Festival Internacional Unasur Cine, celebrado en San Juan, por Wakolda (o filme obtivo ademais o premio á mellor protagónista —Natalia Oreiro— e actriz revelación, Florencia Bado)
- Mellor guión por Wakolda no Latin Beat Film Festival de Tokio (Xapón, 2013)
- Nomeada aos Premios Platino 2014 á Mellor Película, Mellor Dirección e Mellor Guión por Wakolda[4].
Notas editar
- ↑ "Wakolda, premiada y con salas llenas". Arquivado dende o orixinal o 23 de setembro de 2013. Consultado o 23 de setembro de 2013.
- ↑ ""Wakolda" fue la gran ganadora". Consultado o 23 de setembro de 2013.
- ↑ Winston Manrique Sabogal (1 de outubro de 2010). "La generación Granta en español (1)". Consultado o 8 de setembro de 2013.
- ↑ "Se anunciaron los nominados a los Premios Platino | Haciendo Cine". www.haciendocine.com.ar (en castelán). Arquivado dende o orixinal o 26 de xaneiro de 2018. Consultado o 25 de xaneiro de 2018.
Ligazóns externas editar
Wikimedia Commons alberga unha categoría multimedia sobre Lucía Puenzo.- "Lucía Puenzo" Arquivado 29 de decembro de 2010 en Wayback Machine., Cine Nacional.
- "Lucía Puenzo", en Biografías.es
