Luísa Piñeiro Arcos
María Luísa Piñeiro Arcos, nada en Moraña en 1975, é unha política galega do PPdeG.
| Biografía | |
|---|---|
| Nacemento | 1975  (48/49 anos)Moraña, España |
| Alcaldesa de Moraña | |
| | |
| Datos persoais | |
| País de nacionalidade | España |
| Actividade | |
| Lugar de traballo | Moraña |
| Ocupación | política |
| Lingua | Lingua castelá |
 | |
Traxectoria editar
É enxeñeira técnica industrial forestal e máster en Consultaría e Verificación Medioambiental. Foi xefa do Proxecto Galicia-Sur do Servizo de Tramitacións da empresa Applus-Norcontrol.[1] Presentouse ás eleccións municipais de 2011 en Moraña encabezando a candidatura do PPdeG e foi elixida alcaldesa como líder da forza máis votada, gobernando en minoría ao non prosperar o tripartito que impulsaba o PSdeG-PSOE con AEM e o BNG. Nas sucesivas eleccións municipais de 2015 e 2019 volvería a ser elixida alcaldesa, en ambas ocasións por maioría absoluta.
En setembro do 2020, foi nomeada delegada territorial da Xunta de Galicia na provincia de Pontevedra, sendo substituída na alcaldía de Moraña por José Cela Camiño.[2] O 5 de febreiro de 2021 dimitiu logo de coñecerse a sentenza do Xulgado do Penal número 3 de Pontevedra pola que foi condenada por fraude a dous anos de cárcere e oito de inhabilitación para cargo público, xunto con Rafael Louzán.[3] Porén, en maio de 2022 resultou absolta,[4] concorrendo como número 2 do PPdeG en Moraña en 2023 na candidatura de José Luís Gómez Fontenla,[5] quen conseguiu a maioría absoluta.
Notas editar
- ↑ Redacción (5 de maio de 2010). "Louzán situó a Luisa Piñeiro al frente de la formación con la vista puesta en las municipales del 2011". lavozdegalicia.es (en castelán). Consultado o 14 de xaneiro de 2021.
- ↑ G.P., M. (11 de setembro de 2020). "Luisa Piñeiro sustituye a Cores Tourís como delegada de la Xunta en Pontevedra". diariodepontevedra.es (en castelán). Consultado o 7 de febreiro de 2021.
- ↑ Redacción (5 de febreiro de 2021). "A delegada territorial da Xunta, Luísa Piñeiro, dimite tras ser condenada por fraude". nosdiario.gal. Consultado o 7 de febreiro de 2021.
- ↑ Luisa Piñeiro, tras ser absuelta de fraude y prevaricación: "O dano que me fixeron non o repara ninguén"
- ↑ Redacción (2 de abril de 2023). "Luisa Piñeiro, número 2 en la candidatura del PP de Moraña liderada por Sito Gómez". farodevigo.es (en castelán). Consultado o 19 de abril de 2024.
Véxase tamén editar
Outros artigos editar
Ligazóns externas editar
| Predecesor: José Eiras Paz |
 Alcaldesa de Moraña 2011 - 2020 |
Sucesor: José Cela Camiño |