Luís Iglesias de Souza

Luís Iglesias de Souza, nado na Coruña en 1919 e finado na mesma cidade o 2 de febreiro de 1995, foi un escritor galego en lingua galega e castelán.

Luís Iglesias de Souza

Biografía
Nacemento	1919 A Coruña, España
Morte	2 de febreiro de 1995 (75/76 anos) A Coruña, España
Datos persoais
País de nacionalidade	España
Actividade
Ocupación	escritor
Lingua	Lingua galega e lingua castelá

Traxectoria

Mestre nacional. Pertenceu a Acción Católica, fundando en 1932 a Asociación de Estudiantes Católicos. Crítico de cine e teatro en Radio Nacional de España na Coruña, colaborou en diversas publicacións. Foi finalista do Premio Nacional de Literatura en 1968 con El aguijón. Fundou o grupo La Farándula e foi un dos creadores da Asociación de Amigos da Ópera. Foi membro correspondente da Real Academia Galega de Belas Artes e da Real Academia Galega.

Obra

En galego

• Terras, xentes e cousas, 1968 (poemario)
• Meu tempo desgaxado, 1970 (poemario)
• Nadaliñas, 1972 (poemario)
• Vento antergo, 1975 (poemario)
• Contos miúdos, 1983 (narrativa infantil)
• Un conto tódolos días, 1987 (narrativa infantil)
• As alaudas do mencer, 1989 (narrativa)
• As historias da abella Traamunda. Nova Galicia, 1990. (Narrativa infantil).
• As historias do anxo azul. Nova Galicia, 1991. (Narrativa infantil).
• O vello das pombas. Everest Galicia, 1998. (Narrativa infantil).

En castelán

• Breviario melancólico (1974)

Vida persoal

Casou con Encarnación Feijoo Vázquez.

Recoñecementos

• Medalla de ouro ao mérito artístico e cultural do Concello da Coruña.

Véxase tamén

Bibliografía

• "Iglesias de Souza, Luís". Dicionario biográfico de Galicia 2. Ir Indo Edicións. 2010-2011. p. 200. 
• Fernández del Riego, Francisco (1990). Diccionario de escritores en lingua galega. p. 210.
• Méndez Ferrín, Xosé Luis (1984). De Pondal a Novoneyra. Edicións Xerais de Galicia. ISBN 84-7507-139-2.