Luís Iglesias Iglesias

Luís Iglesias Iglesias, nado en Teis (Vigo) o 2 de xullo de 1895 e finado en Pontevedra o 29 de decembro de 1976, foi un científico galego.

Luís Iglesias Iglesias

retrato en Vida Gallega, 1934.
Biografía
Nacemento	2 de xullo de 1895 Teis, España
Morte	29 de decembro de 1976 (81 anos) Pontevedra, España
Catedrático de universidade
Datos persoais
Educación	Universidade de Santiago de Compostela
Tese académica	Enumeración de los curculiónidos de la Península Ibérica e Islas Baleares
Actividade
Campo de traballo	Entomoloxía
Ocupación	científico, profesor universitario
Membro de	Real Academia Galega (académico de número) (1947–1976) Real Academia Galega (membro correspondente) (1941–1947)
Familia
Parentes	Eduardo Iglesias Añino, tío
Premios
(1965)  Gran Cruz de Afonso X o Sabio

Traxectoria

O SEG en 1936: Xesús Carro, Vicente Risco, Ramón Otero Pedrayo, Luís Iglesias Iglesias, Sebastián González García-Paz, Felipe Cordero Carrete, Salustiano Portela Pazos, Paulino Pedret, Jaime Vidal Rey, Antón Iglesias Vilarelle, Manuel Díaz Rozas, Alfonso Vázquez Martínez, Xosé Filgueira Valverde, Xulio Francisco Ogando, Ramón Sobrino Buhigas, Anxelo Ramos Colemán, Isidro Parga Pondal, Florentino López Cuevillas e Xoán López Durá.

Fillo do médico Xosé Iglesias Añino e sobriño de Eduardo Iglesias Añino. Estudou bacharelato en Vigo e en Madrid Ciencias Naturais e Medicina. Doutorouse en Ciencias Naturais coa tese Enumeración de los curculiónidos de la Península Ibérica e Islas Baleares en 1918. Ao ano seguinte licenciouse en Medicina na Universidade de Santiago de Compostela. Dedicouse á docencia e a súa obra investigadora centrouse, sobre todo, na Entomoloxía. Desempeñou os cargos de decano da Facultade de Ciencias, presidente do Seminario de Estudos Galegos, do que formaba parte desde 1926, e reitor da Universidade. En 1947 ingresou na Real Academia Galega co discurso Las especies del género Carabus en Galicia. Tamén colaborou na Historia de Galiza de Ramón Otero Pedrayo, escribindo a parte de Zooloxía.

Galardóns e homenaxes

O Museo de Historia natural da USC leva o seu nome e, no ano 2014, a Real Academia Galega de Ciencias adicoulle o Día do Científico Galego.

Obras (selección)

• Algunas especies nuevas o poco conocidas para la fama ornitológica de Galicia.
• Reconocimiento de tejidos vegetales por reactivos microquímicos.
• Los prados de las regiones media y montaña de Galicia.
• Descripción de tres yacimientos gallegos de evansita.
• La lucha antiacrídica.
• Fauna de Galicia I.
• Cerambícidos de Galicia II.
• Variabilidad por fluctuación de las manchas elitrales de "Crioceris asparagi".
• Biología de los parásitos del hombre.

Galería de imaxes

• 
  Estudio geológico de las fuentes minero-medicinales de Galicia, 1924.

Véxase tamén

Bibliografía

• Bermejo Patiño, Manuel R. (2014). "Luís Iglesias Iglesias, un científico galego con sentido social da ciencia". A Trabe de Ouro (100): 75–88. ISSN 1130-2674. 

• Bermejo Patiño, Manuel R. (2014). "Luis Iglesias Iglesias: Na memoria". Revista Real Academia Galega de Ciencias (33): 131–156. ISSN 1135-5417. 

• Couceiro Freijomil, Antonio (1951-53). Diccionario Bio-bibliográfico de Escritores (en castelán) II. Bibliófilos Gallegos. p. 242. 
• Llecha Ferrer, Alfredo (2005). "Iglesias Iglesias, Luis". Gran Enciclopedia Galega (DVD). El Progreso. ISBN 84-87804-88-8. 

Ligazóns externas

• "Luís Iglesias Iglesias". Álbum da Ciencia do Consello da Cultura Galega. 
• Fandiño Veiga, Xosé Ramón. "Luís Iglesias Iglesias". Álbum da JAE do Consello da Cultura Galega. 
• Luis Iglesias en galegos.info