Luís Correa (futbolista)

Luís Correa, nado en Vigo foi un futbolista galego que xogaba na demarcación de dianteiro.

Luís Correa

Biografía
Nacemento	valor descoñecido Vigo, España
Actividade
Ocupación	futbolista
Deporte	fútbol
Posición de xogo	Dianteiro
Traxectoria   Equipo –   Racing de Ferrol –   Celta de Vigo

Traxectoria

Comezou a xogar a fútbol no Rápido de Bouzas de Vigo. Tamén xogou no Racing Club de Ferrol en 1921/22 e 1922/23, antes de fichar polo Real Club Fortuna de Vigo, club que en 1923 se fusionou co Real Vigo Sporting Club para dar lugar ao Real Club Celta de Vigo, do cal foi un dos seus primeiros xogadores.

No primeiro encontro de presentación do novo equipo quedou encadrado no equipo B pero pronto soubo facerse sitio na dianteira titular, xunto a xogadores como Ramón Polo, Pedro Pinilla, Chicha, Luciano Reigosa ou Balbino Clemente.

Disputou o primeiro encontro oficial do equipo celeste, o 7 de outubro de 1923, contra o Unión Sporting Club na fase de clasificación para o Campionato de Galicia, encontro que gañaría o Celta por 2-0 cun gol de Luís Correa.

Correa disputou un total de 23 encontros oficiais co Celta anotando 12 goles.

Como moitos outros xogadores do Celta desa época formou parte da Selección de fútbol de Galicia nas décadas de 1920 e 1930, disputando dous encontros e anotando dous goles coa selección. Sendo o seu debut o 28 de xaneiro de 1923 contra a Selección de Pontevedra, no que anotou os seus dous goles no triunfo da Selección galega por 4-1.

Palmarés

Campionatos nacionais

Título	Club	Ano
Campionato de Galicia	Real Club Fortuna de Vigo	1921-22
Campionato de Galicia	Celta de Vigo	1923-24
Campionato de Galicia	Celta de Vigo	1924-25

Véxase tamén

Ligazóns externas

• Marcos L. Bacariza (19 de agosto de 2012). "Luis Correa". Yo jugué en el Celta (en castelán).