Lourdes Domínguez

Lourdes Domínguez Lino, nada en Pontevedra o 31 de marzo de 1981, é unha tenista galega.

Lourdes Domínguez

(2013)
Biografía
Nacemento	31 de marzo de 1981 (43 anos) Pontevedra, España
Datos persoais
Residencia	Barcelona
País de nacionalidade	España
Altura	163 cm
Peso	60 kg
Actividade
Ocupación	tenista (1996–)
Período de actividade	1996 - 2016
Lingua	Lingua castelá
Patrimonio estimado	2.434.215 $
Nacionalidade deportiva	España
Deporte	tenis
Man de xogo	destro  e one-handed backhand (en)
Modalidade Partido de tenis Récord persoal Tenis individual 568–411   40 (2006) Tenis dobres 377–215 45 (2006) WTA Info WTA
Participou en
2014	2014 L'Open Emeraude Solaire de Saint-Malo (en)
Cronoloxía
	Dopaxe

Traxectoria

Comezou a xogar sendo unha nena, e aos 14 anos foi prepararse ao Centro de Alto Rendemento de Sant Cugat, en Barcelona, onde segue vivindo. O seu adestrador é Karin Perona.

Foi a primeira galega en gañar un torneo da WTA e a primeira galega en clasificarse entre as cen mellores xogadores de tenis do mundo e, despois entre as cincuenta. Tamén foi a primeira galega en lograr o pase á 3ª rolda dun Grand Slam, algo que conseguiu en dúas ocasións en Roland Garros: 2005 e 2009.

Deu positivo por cocaína no torneo de Acapulco de 2002, polo que se lle aplicou unha suspensión de tres meses.

Palmarés

Gañadora no aberto de Bogotá en febreiro de 2006 e finalista nese mesmo torneo en 2005, chegou a ocupar a posición 41ª da clasificación da WTA en maio de 2006. Nesa mesma tempada participou en tres dos catro torneos do Grand Slam, o Aberto de Australia, Roland Garros e Wimbledon e nos tres quedou eliminada en primeira rolda. Volveu gañar o torneo de Bogotá no 2011. En 2015 gañou o torneo ITF de Curitiba.

En dobres gañou seis títulos, en 2007 en Bogotá, no 2007 en Acapulco, no 2008 en Barcelona, no 2011 en Bastad, no 2013 en Acapulco e tamén no 2013 en Katowice.

WTA

Torneo	Posición	Final contra	Resultado	Data
Bogotá (Colombia)	2ª	Flavia Pennetta (Italia)	7-6 e 6-4	21 de febreiro de 2005
Bogotá (Colombia)	1ª	Flavia Pennetta (Italia)	7-6 e 6-4	27 de febreiro de 2006
Budapest (Hungría)	2ª	Anna Smashnova (Israel)	6-1 e 6-3	30 de xullo de 2006
Bogotá (Colombia)	1ª	Mathilde Johansson (Francia)	2–6, 6–3, 6–2	20 de febreiro de 2011
Curitiba (Brasil)	1ª	Dana Kovinic (Montenegro)	4-6, 6-2 e 6-3	8 de marzo de 2015

WTA (dobres)

Torneo	Compañeira	Posición	Final contra	Resultado	Data
Rabat (Marrocos)	Nuria Llagostera (ESP)	2ª	Loit e Strycova (FRA-CHE)	3-6 7-6 e 7-5	7 de maio de 2005
Budapest (Hungría)	Marta Marrero (ESP)	2ª	Loit e Srebotnik (FRA-SLO)	6-1 3-6 e 6-2	2005
Bogotá (Colombia)	Paola Suárez (ARG)	1ª	Roberta Vinci e Flavia Pennetta (ITA)	1–6, 6–3, [11–9]	22 de febreiro de 2007
Acapulco (México)	Arantxa Parra Santonja (ESP)	1ª	Nicole Pratt e Émilie Loit (AUS-FRA)	6–3, 6–3	3 de marzo de 2007
Barcelona (España)	Arantxa Parra Santonja (ESP)	1ª	María José Martínez Sánchez e Nuria Llagostera Vives (ESP)	4–6, 7–5, [10–4]	14 de xuño de 2008
Bastad (Suecia)	María José Martínez Sánchez (ESP)	1ª	Arantxa Parra Santonja e Nuria Llagostera Vives (ESP)	6–3, 6–3	9 de xullo de 2011
Acapulco (México)	Arantxa Parra Santonja (ESP)	1ª	Catalina Castaño e Mariana Duque Mariño (COL)	6–4, 7–6(7–1)	2 de marzo de 2013
Katowice (Polonia)	Lara Arruabarrena (ESP)	1ª	Raluca Olaru e Valeria Solovyeva (COL-RUS)	6–4, 7–5	13 de abril de 2013

Grand Slam

Torneo	Posición	Ano
Aberto de Australia	1ª rolda	2006
Roland Garros	1ª rolda	2006
Wimbledon	1ª rolda	2006

Polémicas

En 2010, e xunto con outras cinco tenistas españolas María José Martínez, Anabel Medina, Arancha Parra, Carla Suárez e Nuria Llagostera, anunciou a súa renuncia a participar na Copa Federación de tenis representando a España, en protesta pola falta de apoio ao tenis feminino por parte da Federación Española de Tenis.

Outros datos

Mide 1.63 e é destra.

Véxase tamén

Ligazóns externas

• Perfil de Lourdes Domínguez na web da WTA Arquivado 12 de agosto de 2006 en Wayback Machine.