Abrir o menú principal

Loiba, Ortigueira

parroquia civil do concello de Ortigueira

San Xulián de Loiba é unha parroquia do concello coruñés de Ortigueira, na comarca do Ortegal. Segundo o IGE en 2013 tiña 391 habitantes (193 homes e 198 mulleres) distribuídos en 12 entidades de poboación, o que supón unha diminución en relación ao ano 1999 cando tiña 609 habitantes.

Loiba
Igrexa de Loiba.jpg
Igrexa de San Xulián de Loiba.
Mapa Loiba.PNG
ConcelloOrtigueira
Área19,3 km²
Poboación391 hab. (2013)
Densidade20,26 hab./km²
Entidades de poboación49

XeografíaEditar

Loiba está situada no extremo oriental do concello de Ortigueira, entre o Océano Atlántico e a vertente occidental da Serra da Faladoira. Os límites pola costa van dende a pena Penafurada ate a desembocadura do río de Esteiro, que á súa vez é límite co concello de Mañón, polo oeste linda coa parroquia de Céltigos, e polo sur e leste coa Ría de Esteiro até o regato de Pumar de Val, que a separa de novo de Mañón.

O río Esteiro atravesa a parroquia até a praia de Esteiro que a divide do veciño concello de Mañón. No seu termo hai outras praias salvaxes como O Picón e O Carro, ás que pola zona adoita chamárselles ribeiras, polo escarpado dos seus accesos.

PatrimonioEditar

A igrexa parroquial está ao pé da estrada que leva ate o lugar do Picón dende a AC-682. É de construción moderna e planta de cruz latina, e ao seu carón está o cemiterio parroquial. Existen ademais na parroquia dúas pequenas capelas adicadas a Santo Andrés, preto do antigo campo da feira a beira do río Esteiro, e á Virxe do Carme, no lugar de Soutomor.

Galería de imaxesEditar

Lugares e parroquiasEditar

Véxase taménEditar