Chamábanlle Trindade

Chamábanlle Trindade (en italiano: Lo chiamavano Trinità) é un filme cómico do xénero spaghetti western. Foi dirixido no ano 1970 por E.B. Clucher, e ó ano seguinte rodouse a secuela Seguíanlle chamando Trindade.

Chamábanlle Trindade
Ficha técnica
Título orixinal	Lo chiamavano Trinità
Director	E.B. Clucher
Produtor	Italo Zingarelli
Guión	E.B. Clucher
Intérpretes	Terence Hill, Bud Spencer, Farley Granger, Elena Pedemonte, Steffen Zacharias, Dan Sturkie, Gisela Hahn, Ezio Marano, Luciano Rossi, Ugo Sasso, Michele Cimarosa, Remo Capitani, Riccardo Pizzuti
Música	Franco Micalizzi, Lally Scott
Fotografía	Aldo Giordani
Montaxe	Giampiero Giunti, Antonio Siciliano
Estrea	22 de decembro de 1970
Duración	117 minutos
Orixe	Italia
Xénero	comedia, spaghetti western
Filme seguinte	Seguíanlle chamando Trindade
Na rede

Lo chiamavano trinità está considerado un filme de culto tanto polos amantes do cine cómico como polos do cine do oeste, aínda que se trata principalmente dunha sobria e divertida parodia do spaghetti western. Está definida por algúns como o inicio do Fagioli Western, serie de filmes de pistoleiros que acadou fama grazas a Bud Spencer e Terence Hill.

Trama

Trindade (Terence Hill), tamén coñecido como "a man dereita do diaño", aparentemente un sucio e sórdido vagabundo, é en realidade un pistoleiro rápido e mañoso, ávido de conseguir pelexa á menor ocasión. Trindade atopa ó seu irmán Bambino (Bud Spencer), alcumado "a man esquerda do diaño", nunha aldea perdida do oeste. Alí "Bambino" é o shérif, procurando manter a orde, dado que é un maleante escapado da lei que malferiu ó que debería ser o sheriff. Alí agarda polos seus compañeiros, Faina e "Tímido", para regresar a California a dar un novo golpe.

O "Maior", influente home de negocios da aldea, quere marcar un gran rabaño de cabalos, pero o val que desexa para alimentalos está ocupado por uns mormóns que se adican á agricultura e gandería. Quere botalos do val, valéndose para iso da axuda duns mexicanos dispostos a axudalo. Porén, Trindade decide que quere quedar coa comunidade mormón, atraído pola posibilidade de dedicarse á boa vida e practicar a poligamia, polo que pide axuda ó seu irmán para desfacerse do Maior.

Versións

A duración integral da película, tal como se retransmite na televisión, é de 111 minutos, mais na versión para DVD, editada en 2003, dura só 106 minutos debido ó corte dalgunhas escenas.

Véxase tamén

Ligazóns externas

• Sitio Oficial (en inglés)