Wikipedia

Lista de linguas por número de falantes

artigo de listas da Wikimedia

Este artigo recolle as principais linguas humanas segundo o número de falantes nativos. Todas estas clasificacións deben terse en conta con precaución, xa que non é posible elaborar un conxunto coherente de criterios lingüísticos para distinguir as linguas nun continuo dialectal.[1][2] Por exemplo, unha lingua a miúdo defínese como un conxunto de variedades mutuamente intelixibles, pero as linguas estándar nacionais independentes poden considerarse linguas separadas aínda que sexan en gran parte mutuamente intelixibles, como no caso do dinamarqués e o noruegués.[3] Pola contra, moitas linguas comunmente aceptadas, incluíndo o alemán, o italiano e mesmo o inglés abranguen variedades que non son mutuamente intelixibles.[2] Aínda que o Árabe se considera polo xeral como unha única lingua centrada no árabe estándar moderno, outros autores consideran que as súas variedades mutuamente inintelixibles son linguas separadas.[4] De xeito semellante, o chinés ás veces é visto como unha única lingua debido a unha cultura compartida e unha lingua literaria común.[5] Tamén é común describir varios grupos de dialectos chineses, como o mandarín, o wu e o yue como linguas separadas, aínda que cada un destes grupos contén moitas variedades mutuamente inintelixibles.[6]

Distribución actual das familias de linguas.

Tamén hai dificultades para obter recontos fiables de falantes, que varían ao longo do tempo debido ao cambio de poboación e á substitución lingüística. Nalgunhas áreas, non hai datos fiables do censo, os datos non son actuais ou o censo pode non rexistrar as linguas faladas ou rexistralas de forma ambigua. Ás veces, as poboacións de falantes son esaxeradas por razóns políticas, ou os falantes de linguas minoritarias poden estar subestimados en favor dunha lingua nacional.[7]

Linguas máis faladas segundo poboación Editar

Ethnologue (2023) Editar

As seguintes linguas están listadas con cando menos 50 millóns de falantes como primeira lingua na edición número 26 de Ethnologue publicada en 2023.[8] As entradas que Ethnologue identifica como macrolinguas (como o árabe, o punjabi occidental, o persa, o malaio, o paxto e o chinés, as cales abranguen todas as súas respectivas variedades) non se inclúen nesta sección.

Linguas con máis de 50 millóns de falantes como primeira lingua[8]
Lingua Falantes nativos
(millóns) 		Familia Rama
Mandarín
(incluíndo o chinés estándar, mais excluíndo outras variedades) 		939 Sino-tibetana Sinítica
Castelán 485 Indoeuropea Románica
Inglés 380 Indoeuropea Xermánica
Hindi
(excluíndo o urdú e outras variedades) 		345 Indoeuropea Indoaria
Portugués 236 Indoeuropea Románica
Bengalí 234 Indoeuropea Indoaria
Ruso 147 Indoeuropea Eslava
Xaponés 123 Xapónica Xaponesa
Yue
(incluíndo o Cantonés) 		86,1 Sino-tibetana Sinítica
Vietnamita 85,0 Austroasiática Viética
Turco 84,0 Turca Oghuz
Wu
(incluíndo o shanghainés) 		83,4 Sino-tibetana Sinítica
Marathi 83,2 Indoeuropea Indoaria
Telugu 83,0 Dravídica Sur-central
Coreano 81,7 Coreánica —
Francés 80,8 Indoeuropea Románica
Támil 78,6 Dravídica Sur
Árabe exipcio
(excluíndo o árabe saʽidi) 		77,4 Afroasiática Semítica
Alemán estándar 75.3 Indoeuropea Xermánica
Urdú
(excluíndo o hindi) 		70,6 Indoeuropea Indoaria
Xavanés 68,3 Austronesia Malaio-polinesia
Punjabi occidental
(excluíndo o punjabi oriental) 		66,7 Indoeuropea Indoaria
Italiano 64,6 Indoeuropea Románica
Gujarati 57,1 Indoeuropea Indoaria
Persa iraniano
(excluíndo o dari e o taxico) 		57,2 Indoeuropea Iraniana
Bhojpuri 52,3 Indoeuropea Indoaria
Hausa 51,7 Afroasiática Chadiana

CIA World Factbook (estimacións de 2018) Editar

Segundo CIA World Factbook, as linguas máis faladas do mundo en 2018 foron:[9]

Linguas principais por poboación segundo a "CIA"[9]
Posto Lingua Porcentaxe
da poboación
do mundo
(2018)
1 Mandarín 12,3%
2 Castelán 6,0%
3 Inglés 5,1%
3 Árabe 5,1%
5 Hindi 3,5%
6 Bengalí 3,3%
7 Portugués 3,0%
8 Ruso 2,1%
9 Xaponés 1,7%
10 Punjabi occidental 1,3%
11 Xavanés 1,1%

Gráficos Editar

  •  

    Gráfico de burbullas coas linguas representadas en función dos seus falantes nativos.[10]

Notas Editar

  1. ↑ Paolillo, John C.; Das, Anupam (31 de marzo de 2006). UNESCO Institute of Statistics, ed. "Evaluating language statistics: the Ethnologue and beyond" (PDF). pp. 3–5. Arquivado dende o orixinal (PDF) o 05 de xaneiro de 2016. Consultado o 8 de outubro de 2015. 
  2. ↑ 2,0 2,1 Paolillo, John C.; Das, Anupam (31 de marzo de 2006). "Evaluating language statistics: the Ethnologue and beyond" (PDF). UNESCO Institute of Statistics. pp. 3–5. Arquivado (PDF) dende o orixinal o 2017-01-10. Consultado o 17 de novembro de 2018. 
  3. ↑ Chambers, J.K.; Trudgill, Peter (1998). Dialectology (2nd ed.). Cambridge University Press. ISBN 978-0-521-59646-6. 
  4. ↑ Kaye, Alan S.; Rosenhouse, Judith (1997). "Arabic Dialects and Maltese". En Hetzron, Robert. The Semitic Languages. Routledge. pp. 263–311. ISBN 978-0-415-05767-7. 
  5. ↑ Norman, Jerry (1988). Chinese. Cambridge University Press. p. 2. ISBN 978-0-521-29653-3. 
  6. ↑ Norman, Jerry (2003). "The Chinese dialects: phonology". En Thurgood, Graham; LaPolla, Randy J. The Sino-Tibetan languages. Routledge. pp. 72–83. ISBN 978-0-7007-1129-1. 
  7. ↑ Crystal, David (1988). The Cambridge Encyclopedia of Language. Cambridge University Press. pp. 286–287. ISBN 978-0-521-26438-9. 
  8. ↑ 8,0 8,1 Statistics, in Eberhard, David M.; Simons, Gary F.; Fennig, Charles D., eds. (2023). Ethnologue: Languages of the World (26th ed.). Dallas, Texas: SIL International.
  9. ↑ 9,0 9,1 "Most spoken languages in the World". Consultado o 1 de xaneiro de 2022. 
  10. ↑ Mikael Parkvall, "Världens 100 största språk 2007" (The World's 100 Largest Languages in 2007), in Nationalencyklopedin. Asterisks mark the 2010 estimates for the top dozen languages.

Véxase tamén Editar

Ligazóns externas Editar

Traído desde «https://gl.wikipedia.org/w/index.php?title=Lista_de_linguas_por_número_de_falantes&oldid=6487625»