Abrir o menú principal

Lise Meitner

física austríaca

Lise Meitner, nada en Viena o 7 de novembro de 1878 e finada en Cambridge o 27 de outubro de 1968, foi unha físico austríaca que investigou a radioactividade e física nuclear.[1].

Lise Meitner
Lise Meitner (1878-1968), lecturing at Catholic University, Washington, D.C., 1946.jpg
Lise Meitner en Washington, DC en 1946.
Datos persoais
Nacemento7 de novembro de 1878
LugarViena, Austria
Falecemento27 de outubro de 1968
(89 anos)
LugarCambridge, Inglaterra
SoterradoBramley
NacionalidadeAustríaca e sueca.
Actividade
CampoFísica
Alma máterUniversidade de Viena
Director de teseFranz S. Exner
Alumnos de teseArnold Flammersfeld
Kan-Chang Wang
Nikolaus Riehl
Contribucións e premios
Coñecido porFisión nuclear
Efecto Auger
Protactinio
Influíu enOtto Hahn
Max Delbrück
Hans Hellmann
PremiosPremio Lieben en 1925
Medalla Max Planck en 1949
Premio Enrico Fermi en 1966
Lise Meitner signature.svg
editar datos en Wikidata ]

TraxectoriaEditar

Foi a terceira de oito fillos dunha familia xudía. Estudou física na Universidade de Viena (na que entrou no 1901) con Ludwig Boltzmann. Despois de doutorarse, mudouse a Berlín en 1907 para estudar con Max Planck e Otto Hahn na Universidade Friederich Wilhelm. Nesta institución traballou durante 30 anos liderando unha sección no Instituto Kaiser Wilhem (na actualide, Max Planck Institut). Ambos investigaron a radioactividade, un dende a perspectiva química e a outra dende a física. No ano 1918 descubriu o Protactinio. No 1923 descubriu a transición non radioactiva denominada Efecto Auger.

Ó ser anexionada Austria por Alemaña no 1938, pola súa condición de xudea[2], Lise viuse forzada a trasladarse a Suecia, pasando a traballar en malas condicións no Instituto Manne Siegbahn de Estocolmo. Reuniuse de xeito clandestino con Otto Hahn en Copenhaguen (Dinamarca) para programar unha nova rolda de experiencias, que proporcionaron a evidencia da fisión nuclear e foron publicados en xaneiro de 1939, dando Lise a explicación física das observacións e ao proceso de fisión nuclear o mes seguinte.

Ó longo da súa vida publicou numerosos artigos en revistas científicas, recibiu cinco doutorados e outros recoñecementos, coma a medalla de Ouro Max Planck no 1949[2]. No 1944, Meitner foi ignorada mentres Hahn recibía o Nobel, o que foi corrixido en parte no 1966, ó seren galardoados xunto a Fritz Straßmann co Premio Enrico Fermi. O elemento número 109 chámase Meitnerio na súa honra.

No 1960 vaise retirar a Cambridge, Inglaterra. Sendo soterrada en Bramley. O seu sobriño Otto Frisch inscribu na súa tumba o epitafio Lise Meitner: unha física que nunca perdeu a humanidade[2].

NotasEditar

  1. "Lise Meitner Dies; Atomic Pioneer, 89. Lise Meitner, Physicist, Is Dead. Paved Way for Splitting of Atom.". The New York Times. 28 de outubro de 1968. Consultado o 9 de marzo do 2016. Dr. Lise Meitner, a físico nuclear nada en austría e que foi a primeira en calcular a enorme enerxía liberada pola división do átomo de uranio, morreu hoxe nun fogar de anciáns de Cambridge. Ela tiña 89 anos de idade. 
  2. 2,0 2,1 2,2 Rodríguez M. e Fanlo A. Lise Meitner, La física que va iniciar l'era atòmica. Vegueta Edicións. ISBN 978-84-17137-13-7. 

Véxase taménEditar

Outros artigosEditar