División de Honra de Rugby 2009-2010

A tempada 2009-2010 da Liga Española de rugby (División de Honor de Rugby) foi a edición número 43 da máxima categoría do rugby en España. A fase regular comezou o 13 de setembro do 2009, e durante as 18 xornadas da competición enfrontou entre si ós 10 equipos que compoñen a liga, ata o 2 de maio do 2010, data na que rematou o campionato, coa vitoria final de Club de Rugby El Salvador por sétima vez na súa historia.

División de Honra
Fundación	1953
Rexión	España
Equipos	10
Actual campión	Club de Rugby El Salvador (2009-10)
Organizador	Federación Española de Rugby
Sitio web	www.ferugby.com

O CRC Madrid era o defensor do título logrado na anterior tempada. O novo equipo na categoría foi o Gernika Rugby Taldea, que ocupou o lugar do descendido Getxo Rugby Taldea.

Equipos

Equipo	Estadio	Cidade
Club de Rugby Les Abelles	Campo del Río Turia	Valencia
CRC Madrid	Valle de las Cañas	Madrid
Club de Rugby El Salvador	Campos de Pepe Rojo	Valladolid
Club de Rugby Ciencias	La Cartuja	Sevilla
Gernika Rugby Taldea	Campo de Urbieta	Gernika-Luno
Ordizia Rugby Elkartea	Fernando Trevijano	Ordizia
Club de Rugby La Vila	Campo de El Pantano	La Vila Joiosa
Bera Bera Rugby Taldea	Miniestadio de Anoesta	Donostia
Valladolid RAC	Campos de Pepe Rojo	Valladolid
UE Santboiana	Baldiri Aleu	Sant Boi de Llobregat

Clasificación

División de Honra — Tempada 2009/10
Posto	Equipo	Puntos	Xogados	Gañ.	Emp.	Per.	BO	BD
1	CR El Salvador	64	18	14	0	4	6	2
2	CR La Vila	49	18	9	2	7	4	5
3	CR Ciencias	47	18	9	1	8	4	5
4	VRAC	46	18	9	1	8	3	5
5	CRC Madrid	44	18	8	1	9	3	7
6	UE Santboiana	43	18	9	1	8	1	4
7	Ordizia RE	43	18	9	1	8	1	4
8	Gernika RT	43	18	8	0	10	8	3
9	Bera Bera RT	40	18	9	0	9	3	1
10	CR Les Abelles	14	18	2	1	15	2	2
A vitoria vale 4 puntos e o empate 2. Os bonus, dun punto cada un, danse por conseguir 4 ensaios ou máis, e por perder por 7 puntos ou menos. <<<< 2008/09 — Tempadas — 2010/11 >>>> En azul      o campión de liga (1º). En vermello      equipos descendidos (5º e 10º).

Datos finais do campionato:

• El Salvador conseguiu o campionato nacional de liga, con 64 puntos en 18 xornadas, atallando así á Santboiana no palmarés dos campións con 7 títulos. O equipo foi o líder da táboa dende a xornada 6 ata o final.
• O último clasificado, Les Abelles, descendeu de categoría, así como CRC Madrid, por motivos económicos, salvándose deste xeito o Bera Bera.
• O centro surafricano Ryan Pierre Le Roux, do La Vila, liderou a táboa de ensaiadores da liga por 2º ano, con 16 ensaios.
• O apertura Gareth David Griffiths, do VRAC, liderou a táboa de anotadores da liga con 223 puntos.
• Os equipos CAU Valencia e Club Alcobendas Rugby, da División de Honra B de Rugby|División de Honra B, conseguiron o ascenso para competir na tempada 2010-11 na División de Honra.
• Malia que o Bera Bera rematou a tempada en posición de descenso, o CRC tivo que renunciar á categoría por razóns económicas, chegando a un acordo co Bera Bera para intercambiar as súas prazas na División de Honra e na División de Honra B, de xeito que o equipo descendido foi o madrileño e os donostiarras mantivéronse na máxima categoría.

Véxase tamén

Outros artigos

• Heineken Cup 2009-10

Ligazóns externas

• http://www.ferugby.com