Libredón

Libredón era un monte ou bosque próximo a Santiago de Compostela no que, segundo a lenda, se soterrou o corpo do apóstolo Santiago.

Faro de Vigo do 24/7/1927. Alegoría de Camilo Díaz no Día de Galicia. Os touros da Raíña Lupa conducen os restos de Sant-Iago ao sagrado Libredón.

Véxase tamén El Libredón, diario que se publicou en Santiago de Compostela de 1881 a 1887.

A Carballeira de Santa Susana podería ser un reduto do antigo Libredón.

Descrición

O Códice Calixtino, escrito en 1139, relata que os discípulos de Santiago Teodoro e Atanasio trasladaron o seu corpo desde Padrón nun carro tirado por bois até o bosque Libredón (anteriormente Liberum Donum), no que foi soterrado. O lugar foi esquecido até que, no século X, o ermitán Paio (Pelagius) viu unhas luces que iluminaban o lugar. Imaxinando a razón, pois coñecía a tradición, avisou a Teodomiro, bispo de Iria Flavia. Este atopou unha pequena capela cun altar e unha cripta na que había tres tumbas, a de Santiago e a dos seus dous discípulos. Informou ao rei de Galiza, Afonso II o Casto, que viaxou desde Oviedo polo que se denomina o Camiño Antigo, para verificar que os ósos correspondían cos do apóstolo. De Oviedo viñeron doce monxes beneditinos, a primeira basílica ergueuse no bosque de Libredón e ao seu redor naceu Compostela.

Véxase tamén

Bibliografía

• Franco Taboada, Arturo (1998). Los orígenes de Compostela: una historia dibujada (en castelán). Antilia. ISBN 84-923996-1-9. 

Outros artigos

• Camiño de Santiago
• Achado do sepulcro do Apóstolo Santiago

Ligazóns externas

• "Historia de Santiago de Compostela" vivecamino.com La Voz de Galicia.