Liña León - A Coruña

A liña León-A Coruña, tamén coñecida historicamente como a liña Palencia-A Coruña, é unha liña de ferrocarril de 428,2 quilómetros de lonxitude que pertence á rede ferroviaria española. Une a Meseta con Galicia polo leste percorrendo as provincias de León, Ourense, Lugo e A Coruña. Seguindo a catalogación de Adif é a liña 06-800.

Liña de ferrocarril León-A Coruña

Liña a Venta de Baños León Liña a Xixón Quintana-Raneros Villadangos Villabante Veguellina Barrientos Nistal Liña a Zamora Astorga Otero de Escarpizo Vega-Magaz Porqueros Brañuelas La Granja Torre del Bierzo Bembibre Villaverde de los Cestos San Miguel de las Dueñas Río Sil Ponferrada Posada del Bierzo Villadepalos Liña a Vilafranca do Bierzo Toral dos Vados Río Sil A Barosa Río Sil Covas Quereño Pumares Sobradelo O Barco de Valdeorras Vilamartín de Valdeorras A Rúa-Petín Montefurado Soldón-Sequeiros Río Sil San Clodio-Quiroga Río Sil O Freixeiro A Pobra do Brollón Liña a Vigo Monforte de Lemos Río Cabe Rubián Oural Sarria Pedrelo-Céltigos A Pobra de San Xiao Laxosa Lugo Río Miño Rábade Begonte Baamonde Parga Guitiriz Aranga Bioetanol Galicia Teixeiro Curtis Piñoi Cesuras Oza dos Ríos Betanzos-Infesta Liña a Ferrol Cecebre Cambre O Burgo-Santiago Liña ao Porto da Coruña Elviña-Universidade Liña a Madrid A Coruña-San Cristovo

Características

Segundo a Declaración da Rede de Adif na súa actualización de 2013, a liña está electrificada a 3 kV de corrente continua mediante fío aéreo entre León e Monforte de Lemos, así como a 25 kV de corrente alterna na estación da Coruña, e é de vía única.

No referente á sinalización, toda a liña está dotada de Control de Tráfico Centralizado (CTC), con Bloqueo Automático de Vía Única (BAU) entre León e Monforte de Lemos e Bloqueo de Liberación Automática en vía única (BLAU) entre Monforte de Lemos e A Coruña.

O viaduto da Chanca, sobre o río Rato, ergueito nas proximidades da estación de Lugo, é unha das construcións máis senlleiras desta liña.

Servizos ferroviarios

Viaxeiros

A liña é usada tanto por trens de Longa como de Media distancia operados por Renfe Operadora. Os servizos están distribuídos en dous tramos ben diferenciados. O tramo de León a Monforte de Lemos é utilizado polos seguintes trens:

• Alvia Barcelona - A Coruña/Vigo
• Intercity Camiño de Santiago A Coruña/Vigo - Bilbao/Irún
• Trenhotel Galicia Barcelona - A Coruña/Vigo
• Trenhotel Atlántico Madrid - Ferrol
• Rexional Expres León - Vigo
• Intercity Madrid - Vigo
• Intercity Madrid - Ponferrada (Só entre León e Ponferrada)

O tramo entre Monforte de Lemos e A Coruña úsano:

• A rama coruñesa do Trenhotel Galicia
• Trenhotel Atlántico Madrid - Ferrol (entre Monforte e Betanzos-Infesta)
• Alvia Madrid - Ferrol (entre Monforte e Betanzos-Infesta)
• MD A Coruña - Monforte de Lemos
• MD A Coruña - Ferrol (entre A Coruña e Betanzos-Infesta)

Véxase tamén

Bibliografía

• Casares Alonso, Aníbal (1973). Estudio histórico-económico de las construcciones ferroviarias españolas en el s. XIX (en castelán). Madrid: Escuela Nacional de Administración Pública. 
• Cunqueiro, Álvaro (1980). Vigo en su historia (en castelán). Vigo: Caja de Ahorros Municipal de Vigo. 
• García Raya, Joaquín (2006). "Cronología básica del ferrocarril español de vía ancha" (PDF). IV Congreso Historia Ferroviaria: Málaga, septiembre de 2006 (en castelán) (Consejería de Obras Públicas y Transportes de la Junta de Andalucía). 
• Pedrosa Sanz, Rosario (1987). Capital extranjero en la industria de Castilla y León (en castelán). Universidade de Valladolid. 
• Rodríguez Lázaro, Javier (2000). Los primeros ferrocarriles (en castelán). Madrid: Ediciones Akal. 
• Wais, Francisco (1974). Historia de los Ferrocarriles Españoles (en castelán). Madrid: Editora Nacional. 
• Wolmar, Christian (2019). A Short History of Trains (en inglés). Londres: Dorling Kinderley.