Leopoldo González Agís
Leopoldo A. González Agís[1], chamado Poldo, ou Poldito para diferencialo do pai, nado en 1938 e finado en Sanxenxo o 3 de febreiro de 2014, foi un político galego.
| Biografía | |
|---|---|
| Nacemento | 1938  Portonovo, España |
| Morte | 3 de febreiro de 2014 (75/76 anos) Sanxenxo, España |
 Alcalde de Sanxenxo | |
| 1973 – febreiro de 1983 (dimisión) ← Miguel Ángel Botana | |
| Actividade | |
| Ocupación | político, escritor |
 | |
Traxectoria
editarFillo de Leopoldo González Pombo, que xa fora alcalde de Sanxenxo en dúas ocasións, na década dos corenta e dos cincuenta, era persoa coñecida da vila de Portonovo. Delegado local do Instituto Social da Mariña[2], foi designado alcalde de Sanxenxo en 1973 en substitución de Miguel Ángel Botana. Coa caída da ditadura, e logo dun cesamento obrigado legalmente[2], González Agís presentouse ás primeiras eleccións municipais democráticas encabezando a candidatura da UCD e revalidou o seu cargo na alcaldía, posto onde permaneceu durante catro anos máis ata 1983, cando dimitiu no mes de febreiro. Durante esta lexislatura deulle algunhas competencias a concelleiros da oposición[2].
Ademais, foi secretario da confraría de pescadores de Portonovo e presidente da SD Portonovo, o club de fútbol. Durante varios anos disputouse un torneo de verán que leva o seu nome[3].
| Predecesor: Miguel Ángel Botana |
 Alcalde de Sanxenxo 1973 - 1983 |
Sucesor: Antonio Pérez Pereira |
Obras
editar- Pinceladas de la historia, costumbres y tradiciones de Portonovo, 1996.
- Los cuentos del tío Ramón, 1999.
Notas
editar- ↑ "Esquela online de Leopoldo A. González Agís fallecido en Sanxenxo #DEP". www.rememori.com. Consultado o 2021-01-31.
- ↑ 2,0 2,1 2,2 Rodríguez, Adrián (2014-02-04). "Muere Leopoldo González Agís a los 76 años". Diario de Pontevedra (en castelán). Consultado o 2021-01-31.
- ↑ "Sanxenxo da su último adiós a "Poldo"". Faro de Vigo (en castelán). 2014-02-05. Consultado o 2021-01-31.