Leopardus guttulus
Leopardus guttulus é unha especie de mamífero carnívoro da suborde dos feliformes, familia dos félidos, subfamilia dos felinos, unha das nove (ou dez, segundo os autoes),[2] integradas no xénero Leopardus.[2]
| Leopardus guttulus | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
_-_Museo_Civico_di_Storia_Naturale_Giacomo_Doria_-_Genoa,_Italy_-_DSC02677.JPG) Leopardus guttulus no Museo Civico di Storia Naturale Giacomo Doria de Xénova | |||||||||||||||||||
| Estado de conservación | |||||||||||||||||||
 Vulnerable[1] | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| Leopardus guttulus (Hensel, 1872) | |||||||||||||||||||
 Área de distribución de Leopardus guttulus
| |||||||||||||||||||
| Sinonimia | |||||||||||||||||||
| |||||||||||||||||||
En amarelo, distribución de L. guttatus.
Taxonomía editar
Descrición editar
A especie foi descrita en 1872 polo paleontólogo e zoólogo alemán Reinhold Friedrich Hensel,[3] baixo o nome de Felis guttulus, cando Hensel describiu a especie nas xunglas do Río Grande do Sur, no sur do Brasil.[4]
Parentesco editar
Está intimamente relacionado co gato de Geoffroy, Leopardus geoffroyi, especie coa que presuntamente se hibrida no sur do Brasil.[5][6]
Sinónimos editar
Ademais de polo nome actualmente válido a especie coñceuse cos sinónimos:
- Felis guttulus HCategory:Leopardus guttulusensel, 1872.[4] (protónimo)
- Felis tigrinus guttulus (Hensel, 1872)
- Leopardus tigrinus guttula (Trouessart, 1897)
- Leopardus tigrinus guttulus (Hensel, 1872).[3]
- Margay tigrina guttula (Hensel, 1872)
- Oncifelis tigrinus guttulus (Hensel, 1872)
Nota taxonómica editar
Leopardus guttulus durante moitos anos foi considrada como unha subespecie de Leopardus tigrinus, L. t. guttulus.[7]
En 2013 propúxose situar a poboación do sur do Brasil na nova especie L. guttulus, xa que se comprobou que non se cruzaba coa poboación de L. tigrinus no nordés deste país.[8]
Características editar
Leopardus guttulus é un pequeno gato neotropical que exhibe unha pelaxe amarelo-ocráceo estampado con rosetas negras abertas. Fisicamente pode distinguires de Leopardus tigrinus pola súa coloración de fondo lixeramente máis escura,o patrón das rosetas máis grande e a cola lixeiramente máis curta. Porén, é extremadamente difícil distinguir entre as dúas especies só pola súa aparencia, xa que tende a haber unha maior variación xenética dentro de cada especie que entre as dúas especies.[9] Os adultos pesan entre 1,9 e 2,4 kg.[10]
Distribución e hábitat editar
A especie encóntrase desde o centro até o sur do Brasil, nos estados de Minas Gerais e Goiás, no bosque atlántico, no leste de Paraguai e no nordeste da Arxentina, por debaixo dos 2 000 m.[1]
Estímase que a súa poboación comprende aproximadamente 6 000 individuos maduros.[1]
Nas marxes da súa área de distribución crúzase co L. geoffroyi, pero no parece cruzarse coa poboación de L tigrinus no nordeste do Brasil que, en contraste, ten unha historia de cruzamento con Leopardus colocolo. Debido ás diferenzas dos seus hábitats, a hibridación non ocorre entre L. tigrinus e L. guttulus. En contraste, a hibridación e introgresión ocorre entre L. guttulus e L. geoffroyi nas súas zonas de contacto no sur do Brasil. Crese que moisto espécimes de L. guttulus e L. geoffroyi son híbridos parciais, debido ao alto nivel de cruzamento que se está producindo.[9]
Bioloxía editar
Esta especie aliméntasee principalmente de pequenos mamíferos, paxaros terrestres e lagartos. As maioría das súas presas pesan pero termo medio menos de 100 g, pero tamén poden cazar presas de mayor tamaño, de até 1 kg.[9][11]
A miúdo vive no mesmo hábitat que o ocelote. En áreas cunha alta concentración de ocelotes, as poboacións de L. guttulus son máis pequenas, debido á competencia. Cando os ocelotes son escasos, as especies de gatos máis pequenos, como L. guttulus, teñen mellores oportunidades para obteren refuxios, alimentos e territorio, o que permite un maior tamaño das poboacións e densidades de L. guttulus. Este fenómeno chámase "efecto ocelote".[12]
En 2015 rexistrárose dous xuvenís de L. guttulus por primeira vez no bosque atlántico, cando estaban aprendendo as habilidades para a caza. A nai xoga un papel importante na aprendizaxe dos seus cachorros para cazar e sobrevivir na natureza.[13]
Ameazas editar
Durante a época do auxe do comercio de peles, e especie foi amplamente explotada. Hoxe en día as súas maiores ameazas son a perda de hábitat e a deforestación, a caza por parte da poboación local, a mortes por accidentes nas estradas, as enfermidades transmitidas polos cans domésticos e o uso de veleno contra os roedores.[1]
Estado de conservación editar
Esta especie habita en numerosas zonas protexidas, pero probabelmente a baixas densidades nelas. Actualmente moitos investigadoes están estudando para comprender mellor a biodiversidade, a ecoloxía, a evolución e a xenética da especie para poder organizar unha estratexia de conservación máis efectiva para ela. Ademais, estanse a realizar máis investigacións para comprender mellor as diferenzas entre L. tigrinus e L. guttulus. A caza desta última está prohibida na Arxentina, Brasil e Paraguai.[1]
Notas editar
- ↑ 1,0 1,1 1,2 1,3 1,4 1,5 de Oliveira, T., Trigo, T., Tortato, M., Paviolo, A., Bianchi, R. & Leite-Pitman, M. R. P. (2016): Leopardus guttulus na Lista vermella da UICN. Versión 2020-1. Consultada o 5 de xuño de 2020.
- ↑ 2,0 2,1 Leopardus Gray, 1842 no ITIS.
- ↑ 3,0 3,1 Leopardus guttulus (Hensel, 1872) no ITIS.
- ↑ 4,0 4,1 Hensel, R. (1872). "Beiträge zur Kenntniss der Säugethiere Süd-Brasiliens". Physikalische Abhandlungen der Königlichen Akademie der Wissenschaften zu Berlin (1873): 1–130.
- ↑ Trigo, T. C.; Tirelli, F. P.; de Freitas, T. R. O. & Eizirik, E. (2014). "Comparative Assessment of Genetic and Morphological Variation at an Extensive Hybrid Zone between Two Wild Cats in Southern Brazil". PLOS ONE 9 (9): e108469. PMC 4177223. PMID 25250657. doi:10.1371/journal.pone.0108469.
- ↑ Kasper, C. B.; Peters, F. B.; Christoff, A. U. & de Freitas, T. R. O. (2016). "Trophic relationships of sympatric small carnivores in fragmented landscapes of southern Brazil: niche overlap and potential for competition". Mammalia 80 (2): 143–152.
- ↑ Leopardus tigrinus guttulus (Hensel, 1872), no ITIS.
- ↑ Trigo, T. C.; Schneider, A.; de Oliveira, T. G.; Lehugeur, L. M.; Silveira, L.; Freitas, T. R. O. & Eizirik, E. (2013). "Molecular data reveal complex hybridization and a cryptic species of Neotropical Wild Cat". Current Biology 23 (24): 2528–2533. PMID 24291091. doi:10.1016/j.cub.2013.10.046.
- ↑ 9,0 9,1 9,2 Trigo, T. C.; Schneider, A.; de Oliveira, T. G.; Lehugeur, L. M.; Silveira, L.; Freitas, T. R. O. & Eizirik, E. (2013): "Molecular Data Reveal Complex Hybridization and a Cryptic Species of Neotropical Wild Cat". Current Biology 23: 2528–2533. PMID 24291091.
- ↑ Rinaldi, A. R.; Rodriguez, F. H.; de Carvalho, A. L. & de Camargo Passos, F. (2015): "Feeding of small Neotropical felids (Felidae: Carnivora) and trophic niche overlap in anthropized mosaic landscape of South Brazil". Biotemas '28 (4): 155−168.
- ↑ Facure-Giaretta, K. G. (2002): "Ecologia alimentar de duas espécies de felinos do gênero Leopardus em uma floresta secundária no sudeste do Brasil". Tese de doutoramento. Universidade Estadual de Campinas.
- ↑ de Oliveira, T. G., Tortato, M. A., Silveira, L., Kasper, C. B., Mazim, F. D., Lucherini, M., Jácomo, A. T., Soares, J. B. G., Marques, R. V. & Sunquist, M. (2010). "Ocelot ecology and its effect on the small-felid guild in the lowland neotropics". Biology and conservation of wild felids: 559–580.
- ↑ Bogoni, J. A.; Graipel, M. E.; de Castilho, P. V. & Peroni, N. (2017). "Development of predatory behaviours in young southern tigrinas (Leopardus guttulus)" (PDF). Mammalia 81 (4): 421–424. doi:10.1515/mammalia-2015-0165.
Véxase tamén editar
| Wikimedia Commons ten máis contidos multimedia na categoría: Leopardus guttulus |
| Wikispecies posúe unha páxina sobre: Leopardus guttulus |
Bibliografía editar
- Jackson, Peter & Adrienne Farrell Jackson (1996): Les félins: toutes les espèces du monde. París / Lausanne: Delachaux et Niestlé. ISBN 2-6030-1019-0.
- Marion, Rémy (dir.), Cécile Callou, Julie Delfour, Andy Jennings, Catherine Marion & Géraldine Véron (2005): Larousse des félins. París: Larousse ISBN 2-0356-0453-2.
- Nowak, R. M. (1991): Walker's Mammals of the World. Baltimore, Maryland, USA: The Johns Hopkins University Press. ISBN 0-8018-3970-X.
- O'Brien, S. J. & Koepfli, K.-P. (2013): "Evolution: A new cat species emerges". Current Biology 23 (24): R1103-R1105.
- Wilson, Don E. & Reeder, D. M., editors (2005): Mammal Species of the World — A Taxonomic and Geographic Reference. 2 vols. Third edition. Baltimore, Maryland, USA: The Johns Hopkins University Press. ISBN 0-8018-8221-4.