Leite Larsa SA é unha empresa láctea e de derivados lácteos fundada polos irmáns Rodríguez López.

Larsa S.A.
Leite Larsa vectorial sinxelo.svg
Vilagarcía Larsa 01-02.JPG
Vaca na central leiteira Larsa (Vilagarcía de Arousa)
TipoSociedade Anónima
Fundación1933 co nome actual dende 1947
MatrizCAPSA
LocalizaciónVilagarcía de Arousa, Pontevedra Galicia Galicia
FundadorRodríguez López
IndustriaLáctea
ProdutosLeite
Queixo
Iogures
Número de empregados250 en 2016 (90 en Vilagarcía)[1]
Páxina webleitelarsa.es
editar datos en Wikidata ]

Actualmente forma parte do Grupo Capsa.

HistoriaEditar

En 1933 os irmáns Rodríguez López comezan a producir de xeito profesional queixo plano tipo Arzúa na Granxa Arjeriz. Co tempo abren unha planta industrial en Chantada e despois da guerra civil fundan a Central Leiteira de Vigo.

En 1947 nace Larsa como marca, ao fundar Lacto Agrícola Rodríguez, S.A. con sede en Vilagarcía. Alí fabrican varios tipos de queixo e a partir de 1962 leite en bolsa e posteriormente tetra-pack. En 1964, abre a Central Leiteira en Balaídos, Vigo e amplía a produción a leite pasteurizado, sobremesas e nata. Nos anos 70 xa vende en toda España.

Nos 80 merca fábrica Arjeriz en Outeiro de Rei (Lugo), Iberolacto en Ourense, Xeve en Pontevedra, Ilasa en Madrid e Vega de Oro en Meira (Lugo). Larsa chega a ter 1.200 empregados e 6.000 puntos de venta cunha facturación de 20.000 millóns de pesetas. A finais desa mesma década, Larsa participa na restruturación do sector lácteo galego, integrándose no grupo Iberlat.

En 1991 é adquirida por Union Laitière Normande (ULN)[2]. En 1992 moderniza a planta de Vilagarcía centrando alí a produción de Larsa. En 1992 modernízase a planta de Outeiro de Rei pasando toda a fabricación en brik a Outeiro de Rei (planta de Arjeriz) e toda a fabricación de queixo a Vilagarcía. En 1994 pasa a mans de Central Lechera Asturiana (CLAS)[2]. En decembro de 1997 intégrase en CAPSA xunto con CLAS e Ato. CAPSA é un dos maiores grupos lácteos de España.

A empresa cumpre as normativas UNE-EN-ISO 9001:2008 de calidade en Vilagarcía e Outeiro de Rei. En Lugo tamén coa UNE-EN-ISO 14001:2004.

ProdutosEditar

  • Leite
  • Iogures
  • Sobremesas
  • Queixo

NotasEditar

  1. Larsa moderniza su fábrica de quesos y yogures de Vilagarcía foodretail.es
  2. 2,0 2,1 Diccionario Enciclopédico Galego Universal. Ir Indo / La Voz de Galicia. 2003. ISBN 84-7680-429-6. 

Véxase taménEditar

Ligazóns externasEditar