Leborín, Barxa, Celanova

Leborín é un lugar da parroquia de Barxa no concello ourensán de Celanova na comarca da Terra de Celanova. Tiña 32 habitantes no ano 2010 segundo datos do Instituto Galego de Estatística, dos cales 14 eran homes e 18 mulleres.

Leborín
ParroquiaBarxa
ConcelloCelanova
Poboación19 hab. (2017)

CaracterísticasEditar

Sitúase a 1,4 km da OU-540 e a 1,2 km da autovía AG-31, que o comunica con Ourense. A construción da autovía provocou impactos no medio natural, como a substitución dos camiños cara aos muíños do río Ourille por pontes sobre a estrada. O curso fluvial baixa encaixado entre esas dúas vías de comunicación.

A primeira mención documental de Leborín é do ano 997, onde se fala do lugar de Leporin. O 17 de xaneiro celébrase a Festa do Santo Antón. Lugares da aldea son Gandarela, Cástal, Pedreira, Illó, Escola, Praza, As Cabanas ou A Capela.

No poemario Aires da miña terra de Manuel Curros Enríquez (1880), no poema "Cartas Perdidas", Gregoria de Leborín escribe a Marcos da Portela cunha temática costumista, intimista e de denuncia social (anticlericalismo).

Neste lugar agochouse Benito Cancela Rodríguez -alcalde de Celanova pola Fronte Popular logo das eleccións xerais de 1936-, logo de que a Garda Civil asaltase a Casa Consistorial o 20 de xullo de 1936, logo do Alzamento Nacional.

Véxase taménEditar

Lugares de BarxaEditar

Lugares da parroquia de Barxa no concello de Celanova (Ourense)

Amedo | Barxa | A Barxiña | Fonte Cuberta | A Lampaza | Leborín | San Pedro

Parroquias de CelanovaEditar

Galicia | Provincia de Ourense | Parroquias de Celanova

Acevedo do Río (San Xurxo) | Alcázar de Milmanda (Santa María) | Amoroce (Santiago) | Ansemil (Santa María) | Barxa (San Tomé) | Bobadela (Santa María) | Cañón (San Lourenzo) | Casardeita (Santiago) |Castromao (Santa María) | Celanova (San Rosendo) | Fechas (Santa María) | Freixo (Santa Cristina) | Milmanda (Santa Eufemia) | Mourillós (San Pedro) | Orga (San Miguel) | Rabal (San Salvador) | A Veiga (San Paio) | Vilanova dos Infantes (San Salvador) | Viveiro (San Xoán)