Lagostino mediterráneo

crustáceo mariño

O lagostino mediterráneo [Cómpre referencia] (Melicerthus kerathurus, Forskål, 1775; antes Penaeus kerathurus) é un crustáceo decápodo nadador, mariño, pertencente á familia Penaeidae, da suborde Dendrobranchiata.

Lagostinos cocidos

MorfoloxíaEditar

O tamaño medio adoita ser duns 12,5 cm nos machos e 14 cm nas femias, pero poden alcanzar tallas de 16 e 20 cm respectivamente. Son de cor amarela verdosa, con bandas transversais de cor parda nos segmentos abdominais.

A súa casca é consistente e remata nunha espiña patente, chamada rostro, que supera os ollos. Na marxe superior do rostro hai unha serie de 10-12 dentes, e un na parte inferior (este, en ocasións, pode faltar).

A superficie da casca presenta tres sucos lonxitudinais e catro quillas que van desde o rostro ata a marxe posterior.

As anténulas bifúrcanse en dous flaxelos curtos, de lonxitude similar, mais dúas longas antenas. Os tres primeiros pares de patas rematan nunha pequena quela [1] pero os outros dous pates fano nunha unlla.

As placas do abdome presentan unha quilla dorsal no caso dos tres últimos segmentos, e a quilla do sexto segmento remata nunha espiña. O telson [2] remata nunha forte espiña aguda, percorrida por un suco central, e ten outros tres pares de espiñas ós lados.

NotasEditar

  1. Apéndice dos crustáceos, con forma de pinza.
  2. Último segmento do abdome dos crustáceos.

Véxase taménEditar

Ligazóns externasEditar