La Voz de Sarria

La Voz de Sarria foi un periódico editado en Sarria entre 1931 e 1932.

Historia e característicasEditar

Apareceu o 20 de setembro de 1931. Publicábase os días 6 e 20 de cada mes (coincidindo cos días de feira en Sarria). Dirixido por Antonio Páramo Sánchez o administrador era José F. Márquez. Na cabeceira levaba unha cita que facía referencia a Sócrates: Dios me puso sobre vuestro pueblo, como el tábano sobre el lomo del caballo, para tenerlo siempre despierto. Pro republicano, declarábase independente "frente a diversos grupos republicanos y socialistas que gobiernan", liberal e defensor dos intereses comarcais de Sarria. A súa liña editorial xeroulle problemas cos freires do convento dos mercedarios de Sarria. Dedicaba a maior parte do espazo a temas locais, tiña unha sección titulada "Denuncias y protesta" e incluía relatos e poemas. Deixou de editarse ao pouco tempo.

Véxase taménEditar

BibliografíaEditar

  • Teijeira Fanego, Mari Paz; Torre Rioyo, María de la (1997). Deputación Provincial, ed. A prensa en Lugo: dous séculos de historia. Lugo. pp. 386–389. ISBN 84-8192-110-6. 

Ligazóns externasEditar