La Lucha (A Pobra do Caramiñal)
La Lucha foi un periódico publicado na Pobra do Caramiñal entre 1932 e 1933.
| La Lucha | |
|---|---|
| Localidade | A Pobra do Caramiñal |
| [ editar datos en Wikidata ] | |
Historia e características editar
Subtitulado Órgano quincenal defensor de las entidades afectas al Partido Socialista y a la U. G. de T., apareceu o 1 de maio de 1932. Converteuse en semanario a partir do número 9. O seu director era Manuel Venerando Porteiro, presidente da Agrupación Socialista local, que foi substituído por Antonio Domínguez Fontán, secretario da Agrupación e dirixente do Sindicato de Oficios Varios La Unión Obrera (UGT). Nas páxinas de Ribeira incluíu colaboracións de Ramón Beade Méndez, Manuel Moure Gómez, Bautista M. Lemiña (a principios de 1933 abandonou esta cabeceira por La Coraza de Ribeira, baixo as críticas dos seus correlixionarios) e os mozos da Juventud Cultural Republicana (Julio Silva, Agustín F. Oujo, Ramón Rivas). Nas de Boiro, Juanito Somoza, Jesús Gallardo, Guillermo Santamaría e Teresa M. del Río. Na sección da Pobra apareceron as sinaturas de Porteiro, Domínguez, Tomás Moro (un pseudónimo) e Carmen Parada. Cesou a súa publicación en 1933.
Véxase tamén editar
Bibliografía editar
- "Lucha, La". Enciclopedia Galega Universal. Ir Indo. 1999-2002. ISBN 84-7680-288-9.
- Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8.