Lídia Jorge

Lidia Guerreiro Jorge, coñecida como Lídia Jorge, nada en Boliqueime (Algarve) o 18 de xuño de 1946, é unha escritora portuguesa.

Lídia Jorge

Nome orixinal	(pt) Lídia Guerreiro Jorge
Biografía
Nacemento	18 de xuño de 1946 (78 anos) Boliqueime, Portugal
Educación	Universidade de Lisboa
Actividade
Ocupación	escritora, xornalista
Premios
(2020)  Premio FIL de Literatura en Linguas Romances (2020)  Premio Rosalía de Castro en lingua portuguesa (2013)  Escritora Galega Universal (2006)  cabaleiro da orde das Artes e as Letras  Gran Cruz da Orde do Infante Don Henrique  Prémio Luso-Espanhol de Arte e Cultura (pt)
Descrito pola fonte	Obálky knih,
Sitio web	lidiajorge.com

Traxectoria

Licenciouse en Filoloxía Románica pola Universidade de Lisboa e foi profesora de Ensino secundario, impartindo clase en Angola e Mozambique, durante o último período da Guerra colonial portuguesa.

A publicación da súa primeira novela O Dia dos Prodígios (1980) constituíu un acontecemento nun período no que se inauguraba unha nova etapa na Literatura Portuguesa. Pero foi con A Costa dos Murmúrios (1988) libro que reflicte a experiencia colonial pasada en África, co que a autora confirmou o seu destacado lugar no panorama das letras portuguesas. Tras as novelas A Última Dona (1992) e O Jardim sem Limites (1995), seguiu O Vale da Paixão (1998) O tema da muller e da súa soidade é unha preocupación central da obra de Lídia Jorge.

Lídia Jorge publicou tamén dúas antoloxías de contos, Marido e Outros Contos (1997) e O Belo Adormecido (2003), ademais das publicacións independentes A Instrumentalina (1992) e O Conto do Nadador (1992).

As súas obras foron traducidas ao francés, inglés, alemán, esloveno, español etc, máis de vinte linguas.

A novela A Costa dos Murmúrios foi adaptada (2004) ao cinema por Margarida Cardoso.

Colaboradora asidua do Jornal de Letras e do Público.

Obtivo o Premio Escritora Galega Universal concedido pola AELG no 2013. En 2020 o Premio Rosalía de Castro do Centro PEN Galicia.

Obras

Novelas:

• O Dia dos Prodígios (1980). Pub. Europa-América. 206 páxs. Adaptado ao teatro en 2010 por Cucha Cavalheiro.
• O Cais das Merendas (1982). Dom Quixote. 247 páxs. Narrativa poética, teatralizada.
• Notícia da Cidade Silvestre (1984). Dom Quixote. Temática da muller, ambientado en Lisboa.
• A Costa dos Murmúrios (1988). Dom Quixote. Obra central da autora, traducida a unha morea de idiomas.
• A Última Dona (1992). Dom Quixtote. Obra intimista de perspectiva feminista.
• O Jardim Sem Limites (1995). Dom Quixote. Novela urbana de Lisboa.
• O Vale da Paixão (1998). Dom Quixote. 241 páxs.
• O Vento Assobiando nas Gruas (2002). Dom Quixote, con 532 páxs. na versión orixinal. Ed. conmemorativa de Dom Quixote en 2012. Aborda a relación entre unha muller branca cun home africano e o seu comportamento perante unha sociedade de contrastes.
• Combateremos a Sombra (2007). Dom Quixote. A historia dun psicanalista e o seu paciente.
• A Noite das Mulheres Cantoras (2011). Dom Quixote. Narrado en forma de monólogo 21 anos despois dos feitos.
• Os Memoráveis (2014). Dom Quixote. Recreación da Revolución de abril de 1974. Traducida ao fránces como Les Mémorables, 2015.
• Estuário (2018). Dom Quixote. 288 páxs.
• Em todos os sentidos (2020). Dom Quixote. 264 páxs.
• Misericórdia (2022). Dom Quixote.

Relatos:

• A Instrumentalina (1992). Dom Quixote. "Um conto breve faz um sonho longo", dise no libro.
• O Conto do Nadador (1992). Dom Quixote.
• Marido e outros Contos (1997). Dom Quixote. Sete contos.
• O Belo Adormecido (2004). Dom Quixote. 241 páxs. Seis relatos sobre o desexo.
• Praça de Londres. Cinco contos situados (2008). Dom Quixote.
• O organista (2014). Dom Quixote. Fábula sobre a Creación do Universo e as relacións dos homes con Deus.
• O Amor em Lobito Bay (2016). Dom Quixote. Relatos nos que está presente o amor.

Literatura Infantil:

• O Grande Voo do Pardal ( 2007). Ilustrado por Inês de Oliveira. Dom Quixote. O amor, a compaixón, a liberdade, están presentes na historia.
• Romance do Grande Gatão ( 2010). Ilustrado por Danuta Wojciechowska. Dom Quixote. Aventuras dun gato irreverente.
• O Conto da Isabelinha - Lilibeth's Tale (2018). Dom Quixote. 32 páxs. En portugués e inglés.

Ensaio:

• Contrato Sentimental (2009). Sextante.

Teatro:

• A Maçon ( 1997). A vida de Adelaide Cabete, famosa masona de finais do século XIX. Foi levada a escena no Teatro Nacional Dona Maria II en 1997 por Carlos Avilez.
• Instruções para Voar (2016). Dom Quixote.

Poesia

• O Livro das Tréguas (2019). Dom Quixote. Dividido en cinco partes: Com a Origem, com os Preceitos, com os Factos, com as Fábulas, com o Tempo.

Outros

• A literatura é o prolongamento da infância (2016). Guerra & Paz. Diálogos con José Jorge Leiria.

Premios

• 1981: Premio Malheiro Dias, Academia das Ciências de Lisboa
• 1982: Premio Literario Cidade de Lisboa por O Cais das Merendas
• 1984: Premio Literario Cidade de Lisboa por Notícia da Cidade Silvestre
• 1988: Premio D. Dinis, Fundação Casa de Mateus por O Vale da Paixão
• 1998: Premio Bordallo de Literatura da Casa da Imprensa por O Vale da Paixão
• 1998: Premio Máxima de Literatura por O Vale da Paixão
• 1998: Premio de Ficción do P.E.N. Clube Português por O Vale da Paixão
• 2000: Premio Jean Monet de Literatura Europea, Escritor Europeo do Ano
• 2002: Grande Prémio da Associação Portuguesa de Escritores por O Vento Assobiando nas Gruas
• 2002: Premio Correntes d’Escritas por O Vento Assobiando nas Gruas
• 2006: Albatroz, Premio Internacional de Literatura da Fundação Günter Grass polo conxunto da súa obra.
• 2007: Grande Prémio da Sociedade Portuguesa de Autores, Millenium BCP
• 2007: Premio Speciale Giuseppe Acerbi, Scrittura Femmenile
• 2008: Premio Michel Brisset, da Associação dos Psiquiatras Franceses
• 2011: Premio da Latinidade, João Neves da Fontoura, União Latina
• 2014: Prémio Luso-Espanhol de Arte e Cultura
• 2015: Premio Vergílio Ferreira
• 2015: Premio Urbano Tavares Rodrigues
• 2019: Grande Prémio de Literaura dst
• 2020: Premio FIL de literatura en linguas romances por A costa dos murmúrios.
• 2020: Premio Rosalía de Castro do Centro PEN Galicia.
• 2023: Premio Médicis de mellor livro estranxeiro, ex aequo com Han Kang, por Misericordia.
• 2023: Premio Fernando Namora por Misericórdia

Véxase tamén

Bibliografía

• Gonçalves, Ilena Luís Candeias. Escritores Portugueses do Algarve. Edições Colibri, Lisboa, 2006.

Ligazóns externas

• Páxina persoal de Lídia Jorge Arquivado 23 de febreiro de 2020 en Wayback Machine.