L'Arroseur arrosé

L'Arroseur arrosé é un filme francés, mudo en branco e negro dirixido e producido por Louis Lumière e protagonizado por François Clerc e Benoît Duval. Foi estreado por primeira vez o 10 de xuño de 1895.

O regador regado
Ficha técnica
Título orixinal	L'Arroseur arrosé
Director	Louis Lumière
Produtor	Louis Lumière
Intérpretes	François Clerc Benoît Duval
Fotografía	Louis Lumière
Estrea	1895
Duración	49 segundos
Orixe	Francia
Xénero	Comedia
Na rede

Trátase da máis temperá mostra de comedia coñecida no cine, así como o primeiro en representar unha historia ficticia. O filme foi orixinalmente coñecido como "Le Jardinier" (O xardineiro) ou "Le Jardinier et le petit espiègle" (O xardineiro e o pequeno pícaro).

Sinopse

Rodado en Lión na primavera de 1895, o filme amosa unha sinxela broma na que un xardineiro é amolado por un rapaz que pisa a mangueira que o xardineiro está a empregar para regalas plantas, cortando dese xeito o fluxo de auga. Cando o regador olla no furado para inspeccionar que é o que detén a auga, o mozo ergue o pé, facendo que o xardineiro molle a cara. O xardineiro está atordado e o seu chapeu está no chan, pero axiña se decata. Prodúcese entón unha persecución, tanto dentro como fóra da pantalla (a cámara nunca se move da súa posición orixinal) ata que o home atrapa ó rapaz e dálle unha tunda.

Personaxes

Louis Lumière usou ó seu propio xardineiro, François Clerc, para interpretar o papel principal. Para o rapaz fedello, Lumière usou un aprendiz da factoría Lumière, que aparece nos créditos como Daniel Duval e Benoît Duval. Mais parece que foi Léon Trotobas quen primeiro interpretou o papel en La Ciotat.

• François Clerc como Xardineiro
• Léon Trotobas, logo Benoît Duval como Rapaz

Véxase tamén

Ligazóns externas

• Ficha na IMDb (en inglés)