Kurt Vonnegut

escritor estadounidense

Kurt Vonnegut Jr., nado en Indianápolis o 11 de novembro de 1922, finado en Nova York o 11 de abril de 2007, foi un escritor estadounidense, adscrito dentro do xénero da ciencia ficción, participando tamén da sátira e do humor negro.

Infotaula de personaKurt Vonnegut

Editar o valor em Wikidata
Biografía
Nacemento11 de novembro de 1922 Editar o valor em Wikidata
Indianapolis (Estados Unidos de América) Editar o valor em Wikidata
Morte11 de abril de 2007 Editar o valor em Wikidata (84 anos)
Nova York (Estados Unidos de América) Editar o valor em Wikidata
Causa da mortemorte accidental, caída de altura Editar o valor em Wikidata
Datos persoais
ResidenciaNova York (–2007)
Barnstable (pt) Traducir
Indianapolis Editar o valor em Wikidata
País de nacionalidadeEstados Unidos de América Editar o valor em Wikidata
RelixiónUnitário-Universalismo (pt) Traducir e ateísmo Editar o valor em Wikidata
EducaciónUniversidade de Chicago
Universidade do Tennessee (pt) Traducir
Universidade Carnegie Mellon (pt) Traducir
Universidade Cornell
Shortridge High School (en) Traducir Editar o valor em Wikidata
Actividade
Ocupaciónescritor Editar o valor em Wikidata
Período de actividade1950 Editar o valor em Wikidata -
EmpregadorUniversidade Harvard
Universidade de Chicago
Universidade de Iowa (pt) Traducir Editar o valor em Wikidata
Membro de
Xénero artísticoFicción
Sátira
Comedia negra
Ciencia ficción
MovementoAteísmo e Humanismo Editar o valor em Wikidata
Influencias
LinguaInglés estadounidense e lingua inglesa Editar o valor em Wikidata
Carreira militar
Rama militarExército dos Estados Unidos de América Editar o valor em Wikidata
ConflitoSegunda guerra mundial Editar o valor em Wikidata
Obra
Obras destacables
Familia
CónxuxeJill Krementz (1979–2007)
FillosMark Vonnegut (en) Traducir, Edith Vonnegut (en) Traducir Editar o valor em Wikidata
PaisKurt Vonnegut Sr. (pt) Traducir Editar o valor em Wikidata  e Edith Vonnegut (en) Traducir Editar o valor em Wikidata
IrmánsBernard Vonnegut (pt) Traducir Editar o valor em Wikidata
Premios
Sinatura
Editar o valor em Wikidata

Páxina webvonnegut.com Editar o valor em Wikidata
IMDB: nm0903361 Allocine: 51873 Allmovie: p73931 TV.com: people/kurt-vonnegut IBDB: 7111
Twitter: Kurt_Vonnegut Last fm: Kurt+Vonnegut Musicbrainz: 87bfe9a1-a090-483c-b535-29657b704862 Discogs: 478184 Allmusic: mn0001252903 WikiTree: Vonnegut-1 Find a Grave: 18882600 Genius: Kurt-vonnegut Editar o valor em Wikidata
Retrato na súa etapa no exército.

Traxectoria editar

Comezos editar

Kurt Vonnegut pertencía á cuarta xeración dunha familia de inmigrantes alemáns en Indianápolis. Durante a súa época de estudante na Shortridge High School da súa localidade natal,[1] traballou no primeiro diario publicado por unha escola secundaria, The Daily Echo. Durante un tempo estudou na Universidade Butler, pero abandonou os estudos cando un dos seus profesores lle dixo que os seus relatos non eran moi bos. Entre 1941 e 1942 asistiu a clases na Universidade de Cornell, onde traballou como axudante de director editorial e editor asociado para o periódico dos estudantes, o Cornell Daily Sun e estudou bioquímica. Durante a súa estancia en Cornell, foi membro da irmandade Delta Upsilon, como o fora seu pai. Kurt falou do seu traballo en The Sun como o único verdadeiramente grato da súa estancia en Cornell.[2] Ingresou no Instituto de Tecnoloxía Carnegie (hoxe Universidade Carnegie Mellon) en 1943. Só estivo alí un breve período de tempo, xa que pouco despois alistouse no exército, para tomar parte na segunda guerra mundial. O 14 de maio de 1944, Día da Nai, suicidouse súa nai, Edith Lieber Vonnegut.[3]

A segunda guerra mundial editar

A experiencia de Vonnegut como soldado, e logo como prisioneiro de guerra, durante a segunda guerra mundial, tivo unha grande influencia na súa obra posterior. Formando parte dunha avanzadilla da División 106 de Infantaría dos Estados Unidos, durante a Batalla das Ardenas, quedou illado do seu batallón e vagou solitario tras as liñas inimigas durante varios días até que foi capturado por tropas alemás o 14 de decembro de 1944.[4] Como prisioneiro de guerra, viviu en primeira persoa as consecuencias do bombardeo de Dresde, que tivo lugar entre o 13 e o 15 de febreiro de 1945 e que destruíu a maior parte da cidade alemá. Vonnegut foi un dos sete prisioneiros de guerra estadounidenses que lograron sobrevivir en Dresde, nun soto destinado a empaquetar carne, chamado Matadoiro Cinco. Os nazis puxérono a traballar apilando corpos para enterralos en fosas comúns, pero, segundo explica Vonnegut, "había demasiados corpos que enterrar, así que os nazis preferiron enviar a uns tipos con lanzachamas e reducilos a cinzas."[5]

Esta experiencia constitúe a base da súa obra máis coñecida, Slaughterhouse-Five, e aparece como tema recorrente en polo menos outros seis libros seus.[5]

Foi liberado por tropas soviéticas en maio de 1945. Tras o seu regreso aos Estados Unidos, foi recompensado cun "Corazón Púrpura".

Carreira literaria editar

Ao rematar a guerra Vonnegut estudou Antropoloxía na Universidade de Chicago, e traballou tamén como reporteiro policial no City News Bureau of Chicago. En 1946, a Facultade de Antropoloxía reprobou a súa tese, titulada On the Fluctuations between Good and Evil in Simple Tales.[6] Máis tarde aceptaron a súa novela, Cat's Cradle, e concedéronlle o título. Abandonou Chicago para traballar en Schenectady, no estado de Nova York, no departamento de relacións públicas da empresa General Electric.

En 1950 publicou o seu primeiro relato, titulado Report on the Barnhouse Effect na revista Collier's Weekly. A punto de abandonar a escritura, recibiu a oferta dun emprego no taller de escritores da Universidade de Iowa. A súa primeira novela, Player Piano, de 1952, é unha distopía que describe un mundo no que os humanos foron substituídos por máquinas. Máis adiante publicou The Sirens of Titan (1959) e Cat's Cradle (1963), que se converteu nun best-séller.

Durante a década dos 60 publicou catro novelas, nas cales se rexistra un forte cambio formal e conceptual da súa obra, até publicar Slaughterhouse-Five en 1969, unha novela semi-autobiográfica que relata as súas experiencias como soldado no bombardeo de Dresde, experimentalmente estruturada arredor de viaxes no tempo.

Slaughterhouse-Five está considerada unha das obras máis importantes da literatura estadounidense do século XX, que aparece no top-100 da revista Time[7] e da Modern Library.[8]

Continuou experimentando en Breakfast of Champions (1973), un dos seus maiores best-séller, unha novela na que aparece o autor como deus ex máchina. En clave de estilo, esta é quizais a súa obra mestra,.

Con Timequake, en 1997, Vonnegut anunciou a súa retirada do campo da ficción. Continuou escribindo para a revista In These Times, na que era editor. Contribuía con ensaios de política estadounidense ou con notas de simple observación. No 2005 reuníronse moitos dos seus ensaios no seu derradeiro libro, tamén un best-séller, A Man Without a Country.

Vida privada editar

Casou con Jane Marie Cox, coa que coincidira no parvulario, pouco despois do seu regreso aos Estados Unidos trala segunda guerra mundial. O matrimonio separouse en 1970. Aínda que non se divorciaron até 1979, dende 1970 Vonnegut viviu coa muller que máis tarde se convertería na súa segunda esposa, Jill Krementz.

Vonnegut tivo tres fillos biolóxicos coa súa primeira muller. Ademais, adoptou os tres fillos da súa irmá Alice cando esta morreu de cancro, e a outra cativa.

Faleceu no 2007, aos 84 anos, tras sufrir unha caída no seu domicilio de Manhattan que lle causou unha lesión cerebral irreversible.

Obra editar

Novelas editar

  • Player Piano (1952)
  • The Sirens of Titan (1959)
  • Mother Night (1961)
  • Cat's Cradle (1963)
  • God Bless You, Mr. Rosewater ou Pearls Before Swine (1965)
  • Slaughterhouse-Five ou The Children's Crusade (1969)
  • Breakfast of Champions ou Goodbye, Blue Monday (1973)
  • Slapstick or Lonesome No More (1976)
  • Jailbird (1979)
  • Deadeye Dick (1982)
  • Galapagos (1985)
  • Bluebeard 1987)
  • Hocus Pocus 1990)
  • Timequake (1997)

Coleccións de historias curtas e ensaios editar

  • Canary in a Cathouse (1961)
  • Welcome to the Monkey House: A Collection of Short Works (1968)
  • Wampeters, Foma and Granfalloons (1974)
  • Palm Sunday (1981)
  • Fates Worse than Death (1991)
  • Bagombo Snuff Box: Uncollected Short Fiction (1999)
  • God Bless You, Dr. Kevorkian (1999)
  • A Man Without a Country (2005)
  • Armageddon in Retrospect (2008, póstumo)
  • Look at the Birdie (2009, póstumo)

Notas editar

  1. SHORTRIDGE HIGH SCHOOL COLLECTION, 1870-1981
  2. "Novelist Kurt Vonnegut '44 Dies". Cornell Sun. Arquivado dende o orixinal o 29 de abril de 2007. Consultado o 12-12-09. 
  3. Peter Reed (1999). Volume 10, Issue No. 1 of the Journal of the Fantastic in the Arts. Florida Atlantic University, Boca Raton, Florida. ISBN 1-85723-124-4. 
  4. Kurt Vonnegut (en inglés)
  5. 5,0 5,1 Douglas Brinkley. "Vonnegut's Apocalypse". Rolling Stone. Arquivado dende o orixinal o 16 de abril de 2007. Consultado o 12-12-09. 
  6. Chronology, en The Vonnegut Web.
  7. "100 Best Novels: Slaughterhouse-Five (1969)". Time Magazine. Arquivado dende o orixinal o 01 de maio de 2009. Consultado o 12-12-09. 
  8. "100 Best Novels". Modern Library. 20 de xullo, 1998. Consultado o 12-12-09. 

Véxase tamén editar

Ligazóns externas editar