Abrir o menú principal

Knut Hamsun

escritor noruegués considerado un dos autores máis influentes na novela do século XX
(Redirixido desde "Knut Pedersen Hamsun")

Knut Hamsun, nado como Knut Pedersen en Lom o 4 de agosto de 1859 e finado en Grimstad o 19 de febreiro de 1952, foi un escritor noruegués. Recibiu o premio Nobel de Literatura en 1920. Acadou sona especialmente pola súa novela Sult ("Fame"). Xunto con August Strindberg, Henrik Ibsen e Sigrid Undset deu sona á literatura escandinava a comezos do século XX. Porén, a súa popularidade decaeu tras o seu apoio á figura de Adolf Hitler.

Knut Hamsun
Nobel prize medal.svg
Hamsun bldsa HA0341.jpg
Nome completoKnut Pedersen Hamsun
Nacemento4 de agosto de 1859
 Vågå e Lom
Falecemento19 de febreiro de 1952
 Grimstad
NacionalidadeNoruega
Ocupaciónescritor, guionista, poeta, novelista, dramaturgo, dramaturgia e crítico
CónxuxeMarie Hamsun
FillosArild Hamsun, Ellinor Hamsun e Tore Hamsun
Coñecido/a porSult
PremiosPremio Nobel de Literatura
Knut Hamsun signatur 1940.png
editar datos en Wikidata ]
Hamsun, en 1890.

Índice

TraxectoriaEditar

Naceu no medio rural, no sur de Noruega. Con tres anos a súa familia mudouse a Hamarøy, preto do Círculo Polar Ártico, mais a familia non chegou a integrarse.[1]. Exerceu diversos oficios durante a súa vida, errante e aventureira. En 1882 trasladouse aos Estados Unidos de América, onde permaneceu en dúas etapas até 1888.[2][3] Froito da súa experiencia como emigrante en 1889 publicou Fra det moderne Amerikas Aandsliv ("A vida espiritual da América moderna"), cunha crítica irónica e amarga da vida nese país, se ben máis adiante renegaría deste texto, considerándoo moi pobre e infantil.[4]

En 1888 escribiu a novela que lle daría sona, Sult ("Fame"), narración con trazos autobiográficos que trata a historia de fame, pobreza e camiño á loucura dun xornalista acosado polos importantes desaxustes físicos e psicolóxicos. A obra comezou a publicarse en 1888 de forma anónima na publicación periódica Ny Jord.[5] En varios aspectos, esta novela presaxia os escritos de Franz Kafka e outros novelistas do século XX, que exploraron a loucura da condición humana contemporánea.

De novo tivo inclinacións anarquistas, mais cun matiz antiigualitario e racialista. En Fra det moderne Amerikas Aandsliv (1889) expresou o seu rexeitamento cara á mestizaxe: «Os negros son e seguirán sendo negros, unha incipiente forma humana dos trópicos, órganos rudimentarios no corpo da sociedade branca. En vez de fundar unha elite intelectual, Estados Unidos estableceu un criadeiro de mulatos».[6] Despois da segunda guerra Bóer, adoptou puntos de vista cada vez máis conservadores. Chegou a ser coñecido como un destacado defensor de Alemaña e a cultura alemá, así como un opoñente ao imperialismo británico e a Unión Soviética.

 
Retratado por Hans Heyerdahl (1903).

A súa admiración pola vida bucólica e o seu rexeitamento pola gran cidade levárono a pasar grandes etapas da súa vida nunha cómoda cabana do bosque, onde apenas deixaba entrar á súa muller cando estaba a escribir.

NotasEditar

  1. Knaplund 1965, pp. 168-169.
  2. Knaplund 1965, p. 170.
  3. Larsen 1922, pp. 28-29.
  4. Næss, Harald (1967). "Knut Hamsun and America". Scandinavian Studies 39 (4): 305–328. doi:10.2307/40916881. 
  5. McFarlane, J. W. (1956). "The Whisper of the Blood: A Study of Knut Hamsun's Early Novels". PMLA 71 (4): 563–594. doi:10.2307/460632. 
  6. Sjølyst-Jackson, Peter (2010). Troubling legacies: migration, modernism and fascism in the case of Knut Hamsun. Continuum International Publishing Group. p. 16. 

Véxase taménEditar

BibliografíaEditar

Ligazóns externasEditar


 
 Este artigo sobre literatura é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.