King Vidor

King Wallis Vidor, nado o 8 de febreiro de 1894 en Galveston, Texas e finado o 1 de novembro de 1982 en Paso Robles, California, foi un director de cine, produtor e guionista estadounidense.

King Vidor
Nacemento	8 de febreiro de 1894
Lugar de nacemento	Galveston
Falecemento	1 de novembro de 1982
Lugar de falecemento	El Paso de Robles
Causa	doenza cardiovascular
Nacionalidade	Estados Unidos de América
Relixión	Ciência Cristã
Alma máter	Peacock Military Academy
Ocupación	director de cinema, produtor de cinema, guionista, escritor, sindicalista e realizador
Cónxuxe	Florence Vidor e Eleanor Boardman
Coñecido por	The Big Parade, The Crowd, Aleluia, O Campeão, Our Daily Bread, Stella Dallas, A Cidadela, Northwest Passage, Duel in the Sun, Beyond the Forest, The Fountainhead, Ruby Gentry, Man without a Star e Guerra e Paz
Premios	Óscar Honorífico, Golden Plate Award, National Board of Review Award for Best Film e star on Hollywood Walk of Fame
Na rede
[ editar datos en Wikidata ]

Traxectoria

King Vidor, gran cineasta estadounidense, tiña orixes húngaras por parte paterna, que procedía dunha familia adiñeirada. De feito, os negocios do seu pai fixéronlle amasar a este un capital notable.

King Vidor entrou na academia Militar de San Antonio, para logo ingresar no colexio de Fort Deposit. Un influxo importante nas súas ideas foi o da súa nai, pois lle introduciu na Ciencia Cristiá, para a cal traballaría cun grupo de médicos; máis tarde, no ocaso da súa vida, quixo facer unha película sobre Mary Baker Eddy, fundadora desta relixión.

King Vidor empezou como afeccionado; fixo documentais publicitarios e noticiarios, que logrou vender en ocasións. Publicista e autor de curtametraxes, debutou como realizador en 1913. No ano 1916, casou con Florence Arto, futura actriz e colaboradora súa. Instalouse coa súa muller en Hollywood.

O seu primeiro traballo en Hollywood foi en 1915, para desenvolver actividades relacionadas co cine (contable, rexedor, guionista). Aos poucos anos tivo a súa oportunidade artística, e dirixiu The Turn of the Road (A volta do camiño) en 1919, con verdadeiro éxito, o cal permitiulle realizar de inmediato outros tres filmes. En 1920, fundou Vidor Village, estudo cinematográfico propio, no cal dirixirá sete películas, case todas protagonizadas pola súa muller, Florence Vidor.

En 1923 con todo viuse obrigado a deixar o seu estudo. Logo, logrou éxito con The Big Parade (O gran desfile (en galego)) (1925) ou con Show People (1928). Xa divorciado ; viaxou, en 1928, a París coa súa segunda esposa, Eleanor Boardman, para promocionar esa última película.

En Hollywood rodou ao ano seguinte a famosa Hallelujah! (Aleluia), interpretada só por afroamericanos, na que o son toma por primeira vez relevancia artística dentro do cine, inventando innumerables usos ademais de escoitar o que se ve, cousa que non era así antes desa película xa que a maior parte de estreas eran "talkies" ou películas faladas.

Interesouse pronto polo cine en cor, e filmou Paso ao noroeste (1940). Con An American Romance (1944) realizou unha segunda experiencia con ese tipo de película. Entre as súas obras sucesivas hai que recordar, sen dúbida, Duel in the Sun (Duelo ao sol) (1946), The Fountainhead (O manancial) (1949) e Ruby Gentry (1952).

Tras Salomón e a raíña de Saba de 1959 retirouse. Pasou a dedicarse á escritura (así, o seu belo libro de memorias, que está publicado en España por Paidós), á pintura, a filosofía, o ensino universitario. Tamén chegará a facer dúas curtametraxes experimentais.

Foi cinco veces nomeado ao Premio Oscar, e recibiu un premio honorífico en 1979, polo conxunto da súa obra.

Filmografía

• Hurricane in Galveston (1913)
• The Grand Military Parade (1913)
• The Intrigue (1916)(*as young actor)
• The Lost Lie (1918)
• Bud's Recruit (1918)
• The Chocolate of the Gang (1918)
• Tad's Swimming Hole (1918)
• The Accusing Toe (1918)
• I'm a Man (1918)
• The Turn in the Road (1919)
• Better Times (1919)
• The Other Half (1919)
• Poor Relations (1919)
• The Family Honor (1920)
• The Jack-Knife Man (1920)
• The Sky Pilot (1921)
• Love Never Dies (1921)
• Real Adventure (1922)
• Dusk to Dawn (1922)
• Conquering the Woman (1922)
• Peg o' My Heart (1922)
• The Woman of Bronze (1923)
• Three Wise Fools (1923)
• Wild Oranges (1924)
• Happiness (1924)
• Wine of Youth (1924)
• His Hour (1924)
• The Wife of the Centaur (1924)
• Proud Flesh (1925)
• The Big Parade (1925)
• La Bohème (1926)
• Bardelys the Magnificent (1926)
• The Crowd (1928)
• The Patsy, tamén coñecida como The Politic Flapper (1928)
• Show People (1928)
• Hallelujah! (1929)
• Not So Dumb (1930)
• Billy the Kid, US TV title The Highwayman Rides (1930)
• Street Scene (1931)
• The Champ (1931)
• Ave do paraíso (1932)
• Cynara, (1932)
• The Stranger's Return (1933)
• Our Daily Bread (1934)
• The Wedding Night (1935)
• So Red the Rose (1935)
• The Texas Rangers (1936)
• Stella Dallas (1937)
• The Citadel (1938)
• The Wizard of Oz (1939)
• Paso ao noroeste (1940)
• Comrade X (1940)
• H.M. Pulham, Esq. (1941)
• An American Romance (1944)
• Duel in the Sun (1946)
• On Our Merry Way, tamén coñecido como A Miracle Can Happen (1948)
• The Fountainhead (1949)
• Beyond the Forest (1949)
• Lightning Strikes Twice (1951)
• Japanese War Bride (1952)
• Ruby Gentry (1952)
• Light's Diamond Jubilee (1954) (TV)
• A pradería sen lei (1955)
• War and Peace (1956)
• Salomón e a raíña de Saba (1959)
• Truth and Illusion (1964)
• The Metaphor (1980)

Véxase tamén

Ligazóns externas

• Ficha na IMDb (en inglés)