Katherine Jackson

Katherine Esther Jackson, nada como Kattie B. Screws o 4 de maio de 1930 no Condado de Barbour, Alabama, é a matriarca da familia de artistas Jackson.

Katherine Jackson

Nome orixinal	(en) Katherine Jackson L
Biografía
Nacemento	(en) Kattie B. Screws 4 de maio de 1930 (93 anos) Condado de Barbour, Alabama, Estados Unidos
Datos persoais
País de nacionalidade	Estados Unidos de América
Educación	Washington High School (en)
Actividade
Ocupación	autobiógrafa , escritora
Lingua	Lingua inglesa
Familia
Familia	Familia Jackson
Cónxuxe	Joseph Jackson (m. 1949)
Fillos	10, ver embaixo
Pais	Prince Albert Screws (en)   e Martha Bridges (pt)

Traxectoria

Jackson naceu como Kattie B. Screws no Condado de Barbour, Alabama, filla de Martha (nada Upshaw; 14 de decembro de 1907 – 25 de abril de 1990) e Prince Albert Screws (16 de outubro de 1907 – 21 de xaneiro de 1997). Cando tiña catro anos, o seu pai cambioulle o apelido a "Scruse" e o nome a Katherine Esther. A máis nova de dúas irmás, Jackson contraeu a polio con dous anos, mais sobreviviu a enfermidade. Os efectos da enfermidade deixoulle unha coxeira permanente. Con catro anos, a familia mudouse a East Chicago, Indiana, un suburbio de Chicago, e a continuación a Gary, Indiana no noroeste de Indiana. Cando era nova, Jackson aspiraba a converterse en cantante country pero desanimouse ó ver que non existían estrelas de country afroamericanas. Os seus pais divorciáronse cando aínda era nova. No instituto, uniuse á banda de música. En 1947, coñece a Joseph Jackson. Despois dun ano de relación, que comezou despois de que Joseph anulase un vello matromonio, casaron en novembro de 1949. En xaneiro de 1950, mercaron unha casa de dous cuartos en Gary. Durante os primeiros anos como matrimonio, cantaron xuntos, con Joseph tocando a guitarra. Despois de que a carreira de Joseph como boxeador fracasase, continuou a traballar na Inland Steel Company East Chicago mentres ela criaba ós seus dez fillos. (O irmán xemelgo de Marlon, Brandon, morreu pouco despois de nacer).

Fillos

Katherine e Joe Jackson tiveron dez fillos.

• Maureen Reillette "Rebbie" Jackson (nada o 29 de maio de 1950)
• Sigmund Esco "Jackie" Jackson (nado o 4 de maio de 1951)
• Tariano Adaryll "Tito" Jackson (nado o 15 de outubro de 1953)
• Jermaine La Jaune Jackson (nado o 11 de decembro de 1954)
• La Toya Yvonne Jackson (nada o 29 de maio de 1956)
• Marlon David Jackson (nado o 12 de marzo de 1957)
• Brandon Jackson (nado o 12 de marzo de 1957, morto ó pouco tempo de nacer)
• Michael Joseph Jackson (29 de agosto de 1958 – 25 de xuño de 2009)
• Steven Randall "Randy" Jackson (nado o 29 de outubro de 1961)
• Janet Damita Jo Jackson (nada o 16 de maio de 1966)