Karel Čapek

Karel Čapek [ˈkarɛl ˈʧapɛk], nado en Malé Svatoňovice (Bohemia, Imperio Austrohúngaro) o 9 de xaneiro de 1890 e finado en Praga o 25 de decembro de 1938, foi un escritor en lingua checa. É coñecido por ser o creador do concepto de robot, que apareceu por vez primeira na súa obra de teatro R.U.R (1920). Como homenaxe, moitos lectores adoitan deixar robots en miniatura na súa tumba no cemiterio de Praga.

Karel Čapek
Alcume	K. Č., B. Č., Karel Plocek e Karel Vašek
Nacemento	9 de xaneiro de 1890
	Malé Svatoňovice (Bohemia)
Falecemento	25 de decembro de 1938
	Praga (Checoslovaquia)
Causa	pneumonía
Soterrado	Cemitério Vyšehrad
Nacionalidade	Imperio Austrohúngaro e Checoslovaquia
Etnia	Pobo checo
Relixión	católico non practicante
Alma máter	Faculty of Arts, Charles University in Prague e Universidade Humboldt de Berlín
Ocupación	tradutor, novelista, realizador, fotógrafo, dramaturgo, xornalista, escritor de ciencia ficción, escritor de literatura infantil, escritor, filósofo, pintor, crítico literario, ensaísta e poeta
Pai	Antonín Čapek
Cónxuxe	Olga Scheinpflugová
Irmáns	Helena Čapková e Josef Čapek
Xéneros	novela, ciencia ficción
Coñecido/a por	Zářivé hlubiny, Boží muka, Krakonošova zahrada, sen etiquetar, Boží muka, The Absolute at Large, Krakatit, sen etiquetar, sen etiquetar, sen etiquetar, The Gardener's Year, sen etiquetar, sen etiquetar, Hordubal, Válka s Mloky, První parta, sen etiquetar, Život a dílo skladatele Foltýna, The Fateful Game of Love, The Robber, R.U.R., Pictures from the Insects' Life, Věc Makropulos, Adam the Creator, The White Disease, The Mother, Italian leaves, Anglické listy, sen etiquetar, sen etiquetar, sen etiquetar, sen etiquetar, Dášeňka, sen etiquetar, sen etiquetar e sen etiquetar
Premios	Recipient of the Order of Tomáš Garrigue Masaryk, 1st class, honorary citizen of Hradec Králové e honorary citizen of Prague 10
Na rede
[ editar datos en Wikidata ]

Obra

Tumba de Čapek no cemiterio de Praga, co tradicional robot de xoguete.

Casa dos irmáns Čapek en Praga.

Un dos seus primeiros relatos fantásticos é Továrna na Absolutno ("A fábrica do Absoluto", 1922). Nun Universo concibido segundo as teorías panteístas de Baruch Spinoza e as da relatividade de Albert Einstein, o invento dun enxeñeiro trastorna a conduta humana e a social cando, desintegrando a materia para producir enerxía, libera tamén o místico "Divino Absoluto".

Unha obra que se adoita encadrar no xénero da ciencia ficción polo seu carácter distópico é Válka s Mloky ("A guerra das píntegas", 1936), novela de fina ironía que se considera unha sátira sobre o nazismo e o capitalismo. Na costa de Sumatra descóbrese unha nova especie de criatura, unha píntega xigante do xénero Andrias, capaz de aprender dos humanos malia non ter en principio unha intelixencia similar. O sistema capitalista mundial aprovéitase das criaturas para realizar todo tipo de labores ingratas ao ser humano, e todos os países comezan a adquirilas en gran número. Mais case ninguén é consciente de que a extensión das píntegas polo planeta Terra é unha ameaza. Critícase sucintamente no libro o Nacionalsocialismo emerxente e un sistema económico e unha orde mundial incapaces (e non interesados) en pararlle os pés. Amais do fondo político e filosófico, a novela de Čapek inclúe chiscadelas ao mundo periodístico (Čapek colaborou con diversas publicacións, como Lidové noviny).

Obra selecta

• R.U.R. (teatro, 1921). O tema fundamental aparece xa perfilado no relato "Systém" ("O sistema") en 1919.
• Ze života hmyzu ("Da vida dos insectos"; teatro, 1921. Escrita co seu irmán Josef)
• Továrna na Absolutno ("A fábrica do Absoluto"; 1922).
• Věc Makropulos ("O asunto Makropulos"; 1922). Inspirou unha ópera de Leoš Janáček
• Krakatit ("A krakatika; 1923)
• Adam stvořitel ("Adán o creador; 1927)
• O ano do xardineiro (Zahradníkův rok, 1929; traducida ao galego por Fernando de Castro García e publicada por Rinoceronte editora en 2009)
• Výlet do Španěl ("Viaxe a España"; 1930)
• Válka s Mloky ("A guerra das píntegas"; 1936)

Véxase tamén

Ligazóns externas

• Saíz Lorca, Daniel (2006): La literatura checa de ciencia ficción durante el período de entreguerras. Tese doutoral, Departamento de Filoloxía Románica, Filoloxía Eslava e Lingüística da Facultade de Filoloxía da Universidade Complutense de Madrid.