Kaliningrado

cidade rusa do oblast de Kaliningrado
(Redirección desde «Königsberg»)

Kaliningrado (en rusoКалининград, tr. "Kaliningrad"[kəlʲɪnʲɪnˈgrat] (AFI)), Królewiec en polaco, Karaliaučius en lituano, antigamente chamada Königsberg (pronuncia en alemán [ˈkøːnɪçsˌbɛʁk] (AFI)), é a capital da provincia rusa de Kaliningrad, enclave ruso entre Polonia e Lituania, na beira do Mar Báltico. A cidade tamén é célebre polo problema topolóxico das Sete pontes de Königsberg, resolvido por Euler no 1736.

Modelo:Xeografía políticaKaliningrado
Калининград (ru) Editar o valor em Wikidata
Imaxe

AlcumeКёниг Editar o valor em Wikidata
Nomeado en referencia aMikail Kalinin Editar o valor em Wikidata
Localización
lang=gl Editar o valor em Wikidata Mapa
 54°43′N 20°30′L / 54.72, 20.5Coordenadas: 54°43′N 20°30′L / 54.72, 20.5
EstadoRusia
ExclaveÓblast de Kaliningrado
Urban okrug in Russia (en) TraducirKaliningrad Urban Okrug (en) Traducir Editar o valor em Wikidata
Capital de
Kaliningrad Urban Okrug (en) Traducir (2004–) Editar o valor em Wikidata
Contén a división administrativa
Poboación
Poboación498.260 (2022) Editar o valor em Wikidata (2.217,45 hab./km²)
Xeografía
Superficie224,7 km² Editar o valor em Wikidata
Bañado porRio Prególia (pt) Traducir Editar o valor em Wikidata
Altitude5 m Editar o valor em Wikidata
Datos históricos
Precedido por
Creación1255 Editar o valor em Wikidata
Organización política
• Xefe do gobernoOleg Aminov (en) Traducir (2023–) Editar o valor em Wikidata
Identificador descritivo
Código postal236000 Editar o valor em Wikidata
Fuso horario
Prefixo telefónico4812 Editar o valor em Wikidata
Identificador OKTMO27701000001 Editar o valor em Wikidata
Identificador OKATO27401000000 Editar o valor em Wikidata
Outro
Irmandado con
Bremerhaven (1991–)
Baranavičy (2007–)
Brest (2009–)
Zeitz (2010–)
Cagliari (2011–) Editar o valor em Wikidata

Páxina webklgd.ru Editar o valor em Wikidata

Historia editar

O Königsberg alemán editar

 
O castelo de Köningsberg.

Kaliningrado foi fundada no 1255 polos Cabaleiros teutónicos baixo o nome de Königsberg (a montaña do rei), foi a capital da Prusia ata a unificación de Alemaña, da que pasou a formar parte. Tras a primeira guerra mundial, o territorio prusiano, xunto con Köningsberg, quedou illado do resto de Alemaña polo corredor polaco de Danzig.

Na segunda guerra mundial, libráronse duros combates nos arredores da cidade entre o Exército Vermello e as forzas alemás, que remataron coa vitoria soviética e a captura de case 100.000 soldados alemáns. No final da segunda guerra mundial a poboación sufriu severos bombardeos aliados, que foron seguidos dunha represión intensa dos soviéticos, que tentaron exterminar ou expulsar á poboación.

Kaliningrado na Unión Soviética editar

Ao rematar a guerra, Köningsberg foi renomeado como Kaliningrado (do nome do presidente do Comité Central do Partido Comunista, Mikhaíl Kalinin), cando a URSS anexou os territorios da rexión (rexión de Kaliningrado).

Como compensación pola anexión deste territorio, Polonia anexionouse as rexións alemás de Silesia e Pomerania oriental. Á súa vez, Prusia Oriental foi dividida en dúas partes: a meridional que pasou a mans polacas, e a setentrional que foi incluída na Unión Soviética.

A maior parte dos residentes alemáns foron expulsados da cidade. A Unión Soviética seguiu entón unha política de rusificación do territorio, sen incorporar a rexión da República Socialista Soviética de Lituania. Kaliningrado foi unha das principais bases navais soviéticas do Mar Báltico, xunto con Riga e a illa de Kronstadt.

Tras a caída da Unión Soviética e a independencia de Lituania en 1991, o territorio quedou baixo a soberanía rusa e separado do resto do país.

Kaliningrado na Federación Rusa editar

 
A catedral de Kaliningrado

Tras a caída da Unión Soviética e a independencia de Lituania no 1991, o territorio quedou baixo a soberanía rusa e separado do resto do país. Kaliningrado converteuse entón nun enclave ruso illado do resto de Rusia, feito que se acentuou aínda máis cando Polonia e Lituania ingresaron na OTAN e máis tarde na Unión Europea. Por estas razóns todos os rusos desta rexión que queren pasar ao resto de Rusia teñen que facelo a través de países membros da OTAN e da UE que lles esixen un visado. O primeiro ministro ruso Vladimir Putin declarou que este requirimento de visado era unha violación da soberanía rusa; ademais, propuxo a creación dunha zona de libre comercio na rexión, para converter Kaliningrado no "Hong Kong do Báltico". Pouco despois, Rusia e Lituania chegaron a un acordo: os rusos que desexen cruzar Lituania recibirán un permiso especial para cruzar as fronteiras ruso-lituanas.[1]

No 2004, Alemaña estableceu a súa primeira misión diplomática na cidade, feito que é interpretado como un símbolo de confianza entre Alemaña e a Federación Rusa.[2]

En xullo de 2007, o viceprimeiro ministro de Rusia Sergéi Ivánov declarou que se os Estados Unidos despregaban un sistema de defensa contra mísiles en Polonia, despregaríanse armas nucleares en Kaliningrado.[3] Kaliningrado é unha importante base naval para Rusia, xa que é o único porto ruso no mar Báltico no que as augas non se conxelan durante o invierno.

Cidades irmandadas editar

Kaliningrado está irmandada con:

Notas editar

  1. Acordo sobre Kaliningrado. BBC Mundo. Consultado o 16/02/2008.
  2. Germany starts Kaliningrad link. BBC News. Consultado o 16/02/2008.
  3. Rusia ameaza de novo con mísiles. BBC Mundo. Consultado o 16/02/2008.

Véxase tamén editar

Outros artigos editar