Julia García-Valdecasas
Julia García-Valdecasas Salgado, nada en Barcelona o 29 de xaneiro de 1944 e finada na mesma cidade o 5 de febreiro de 2009, foi unha política española.
Nome orixinal | (es) Julia García-Valdecasas | ||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Biografía | |||||||||||||||||||||||
Nacemento | 29 de xaneiro de 1944 Barcelona | ||||||||||||||||||||||
Morte | 5 de febreiro de 2009 (65 anos) Barcelona | ||||||||||||||||||||||
Causa da morte | Pneumonía | ||||||||||||||||||||||
Cargos Ministra de Administracións Públicas (2003 - 2004) | |||||||||||||||||||||||
Datos persoais | |||||||||||||||||||||||
País de nacionalidade | España | ||||||||||||||||||||||
Educación | Universidade de Barcelona | ||||||||||||||||||||||
Actividade | |||||||||||||||||||||||
Lugar de traballo | Madrid | ||||||||||||||||||||||
Ocupación | Auditora do Estado | ||||||||||||||||||||||
Partido político | Partido Popular | ||||||||||||||||||||||
Membro de | |||||||||||||||||||||||
Lingua | Lingua castelá e lingua catalá | ||||||||||||||||||||||
Familia | |||||||||||||||||||||||
Cónxuxe | Xabier Añoveros Trías de Bes | ||||||||||||||||||||||
Pai | Francisco García-Valdecasas Santamaría (pt) | ||||||||||||||||||||||
Lista
|
Traxectoria editar
Era filla de Francisco García-Valdecasas, quen fora reitor da Universidade de Barcelona durante o franquismo. Licenciada en Farmacia nesa universidade, traballou de boticaria dende 1969 ata 1979. Posteriormente ingresou no corpo de Interventores e Auditores do Estado por oposición en 1980, e a ese traballo dedicou o resto da súa vida. Chegou a ostentar a presidencia da Asociación Nacional de Interventores de España de 1990 a 1994.
Comezou a súa carreira política cando o presidente de goberno español José María Aznar a nomeou delegada do Goberno en Cataluña en maio de 1996. Afiliouse ao Partido Popular e ocupou o cargo de delegada ata agosto de 2003 cando foi promovida ao cargo de ministra de Administracións Públicas. Foi a primeira muller en ocupar ese ministerio.
O 14 de marzo de 2004 foi elixida Deputada pola circunscrición de Barcelona no Congreso dos Deputados, pero ao perder o PP o goberno tivo que abandonar o ministerio, onde foi substituída polo socialista Jordi Sevilla. O 1 de outubro de 2006 deixou o escano no Congreso por razóns de saúde, posto que lle diagnosticaron unha enfermidade dexenerativa chamada atrofia multisistema ou MSA. Faleceu dous anos máis tarde, en febreiro de 2009 dunha pneumonía[1].
Vida persoal editar
Estaba casada co profesor de dereito mercantil Xabier Añoveros Trias de Bes e tiña 3 fillos.
Notas editar
- ↑ Fallece a los 65 años la ex ministra Julia García-Valdecasas Arquivado 07 de febreiro de 2009 en Wayback Machine., Público, 5/02/2009
Wikimedia Commons ten máis contidos multimedia na categoría: Julia García-Valdecasas |
Predecesor: Javier Arenas |
Ministra de Administracións Públicas de España 2003 - 2004 |
Sucesor: Jordi Sevilla |