Juan Bosch
Juan Emilio Bosch Gaviño, nado en La Vega o 30 de xuño de 1909 e finado en Santo Domingo o 1 de novembro de 2001, foi un contista, ensaísta, novelista, narrador, historiador, educador e político dominicano. Bosch foi elixido presidente da República Dominicana en 1962, cargo que asumiu por un breve período en 1963. O seu efémero goberno foi derrocado case sete meses despois de asumir a presidencia. Porén, a día de hoxe, é lembrado como un político honesto[1][2][3] e está considerado como un dos escritores máis preclaros de Latinoamérica, en especial no xénero do conto.[4]
.jpg)  | |
| Biografía | |
|---|---|
| Nacemento | 30 de xuño de 1909 La Vega, República Dominicana (pt)  |
| Morte | 1 de novembro de 2001 (92 anos) Salcedo, Italia (pt) |
| Causa da morte | Respiratory distress (en) |
| Lugar de sepultura | Monseñor Nouel (pt) |
| 43º Presidente da República Dominicana | |
| 27 de febreiro de 1963 – 25 de setembro de 1963 ← Rafael Bonnelly (pt) – Dominican Provisional Government Junta (en) → | |
| Datos persoais | |
| País de nacionalidade | República Dominicana |
| Actividade | |
| Ocupación | político , historiador , escritor |
| Partido político | Partido Revolucionário Dominicano (pt) |
| Lingua | Lingua castelá |
Premios | |
 | |
Foi un líder da oposición dominicana no exilio contra o réxime de Rafael Leónidas Trujillo durante máis de 26 anos. Ademais, foi o fundador de dous dos principais partidos políticos dominicanos: o Partido Revolucionario Dominicano (PRD) en 1939 e o Partido da Liberación Dominicana (PLD) en 1973.[5]
Traxectoria editar
Juan Bosch naceu na cidade de La Vega o 30 de xuño de 1909. Fillo da portorriqueña de ascendencia galega Ángela Gaviño Costais, (cuxo pai era da Guarda) e de José Bosch Subirats, de orixe catalá, nado en Tortosa. Viviu os primeiros anos da súa infancia nunha pequena comunidade rural chamada Río Verde, onde comezou os seus estudos de primaria; os estudos secundarios fíxoos no colexio San Sebastián de la Vega, chegando só até o terceiro nivel de bacharelato. En 1924, trasladouse a Santo Domingo, onde traballou en varias tendas comerciais. Máis tarde en 1929 viaxou a España, Venezuela e algunhas illas do Caribe.
Notas editar
- ↑ "25S: la política no es un negocio". El Caribe. 25 de setembro de 2013. Arquivado dende o orixinal o 26 de decembro de 2013. Consultado o 25 de decembro de 2013.
- ↑ "Honradez de Bosch chocó con intereses". Listin Diario. 25 de decembro de 2013. Arquivado dende o orixinal o 27 de decembro de 2013. Consultado o 25 de decembro de 2013.
- ↑ "Sugiere exaltar Bosch al Panteón Nacional". Al Momento. 9 de maio de 2013. Arquivado dende o orixinal o 27 de decembro de 2013. Consultado o 25 de decembro de 2013.
- ↑ "Biografía de Juan Bosch". Arquivado dende o orixinal o 25 de novembro de 2010. Consultado o 25 de novembro de 2010.
- ↑ Cronología de Juan Bosch