Juan Asensio Barrios

Frei Juan Asensio Barrios, nado en Xibraltar (entón parte do Reino de Sevilla) c. 1619 e finado en Xaén o 22 de abril de 1692, foi un relixioso español, frade mercedario e xeneral da súa Orde, presidente do Consello de Castela, e bispo de Lugo, de Ávila e de Xaén.

Juan Asensio Barrios
Bispo da Igrexa católica latina
Biografía
Nacementoc. 1619 en Xibraltar, Reino de Sevilla, Coroa de Castela
PasamentoXaén, Reino de Xaén, Coroa de Castela
Ordes
Ordenación sacerdotal1643
Consagración episcopal25 de maio de 1670, por Federico Borromeo
Bispo de Xaén
1682 - 1692
PredecesorJuan de la Puente Guevara
SucesorAntonio de Brizuela y Salamanca
Outros
Ficha en catholic-hierarchy.org

Traxectoria editar

Naceu arredor de 1619 en Xibraltar, entón parte do Reino de Sevilla (Coroa de Castela). Ingresou na Orde da Mercé e en 1643 foi ordenado sacerdote. En 1658 foi elixido xeneral da súa orde, cargo que mantivo até a súa renuncia en 1664.

O 9 de setembro de 1669 foi nomeado bispo de Lugo. Recibiu a consagración episcopal o 25 de maio de 1670 de mans do patriarca titular de Alexandría Federico Borromeo.

O 26 de xuño de 1673 foi nomeado bispo de Ávila; permaneceu nesta diocese até o seu nomeamento como bispo de Xaén o 20 de abril de 1682. Finou no cargo logo de dez anos, o 22 de abril de 1692.