Joseph Menna
Joseph F. Menna, nado o 17 de marzo de 1970 en Gloucester, Nova Jersey, é un escultor e deseñador e gravador de moedas e medallas estadounidense, que ocupa o posto de gravador xefe da Casa da Moeda dos Estados Unidos desde febreiro de 2019.[1]
| Joseph F. Menna | |
|---|---|
| Nacemento | 17 de marzo de 1970 |
Gloucester Township. Nova Jersey. Estados Unidos | |
| Área | Escultura, deseño e gravado. |
| Educación | - Universidade das Artes (Filadelfia). - Academia de Arte de Nova York. - Academia de Arte e Industria Stieglitz, San Petersburgo. |
| Obras | Moedas circulantes e conmemorativas dos EEUU. |
| Nacionalidade | Estadounidense |
| [ editar datos en Wikidata ] | |
Como escultor desenvolve o seu traballo tanto en formatos tradicionais como en medios dixitais.
A marca de gravador que estampa nas moedas e medallas da súa responsabilidade é JM.
Traxectoria editar
Logo de cursar a educación secundaria na Highland Regional High School, na súa localidade natal[2], Menna cursou os seus estudos artísticos na Universidade das Artes, en Filadelfia, onde se graduou en 1992. En 1994 acadou o grao de mestrado na Academia de Arte de Nova York,[1] e posteriormente completou a súa formación artística na Academia de Arte e Industria Stieglitz, en San Petersburgo,[3] na Liga de Estudantes de Arte, en Nova York, e no Centro de Escultura de Manhattan, na mesma cidade.[4][5]
En 2005, Menna ingresou na Casa da Moeda dos Estados Unidos como gravador medallista,[4] e cinco anos despois gravou unha das súas obras máis populares: o reverso da nova moeda dun centavo posta en circulación ese mesmo ano, sobre un deseño de Lyndall Bass. A moeda amosa no seu campo as iniciais de ambos os autores: LB e JFM.[6]
En febreiro de 2019, Menna foi nomeado gravador xefe da Casa da Moeda dos Estados Unidos, un posto que estaba vacante desde o retiro de John Mercanti en 2010.[1][4][3]
Con anterioridade á súa vinculación á US Mint, Menna traballara como escultor e como docente nun obradoiro de fundición artística en Nova York, e creou figuras de tamaño natural e desenvolveu proxectos dixitais para diferentes compañías, como DC Comics, Fisher-Price ou Hasbro, entre outras. Entre as súas esculturas destaca unha elaborada en cuproníquel, de máis de 9 metros de altura para a estación de ferrocarril de Hamilton, en Nova Jersey.[4][5]
Varias das súas obras foron galardoadas co Premio Moeda do Ano, outorgado pola editora Krause Publications. Ademais da súa dedicación á Casa da Moeda dos Estados Unidos, Joseph Menna mantén a súa actividade independente como deseñador de xoguetes e obxectos coleccionables, e está recoñecido como un dos principais representantes mundiais da escultura dixital.[4][5][7] Neste ámbito destaca a súa escultura conceptual dixital para a Estatua da Unidade, situada en Gujarat, na India.[8]
Mena reside en Bordentown, Nova Jersey, xunto coa súa esposa, Julianna, e os seus tres fillos.[2]
Obra editar
Esta é unha escolma dos traballos máis representativos de Joseph Mena como gravador da US Mint:[4][9]
- Medallas do Congreso: Anwar el Sadat, Bob Dole, Shimon Peres. Heroes do 11/S, Dalai Lama etc.
- Anversos de moedas circulantes dun dólar da serie presidencial: George Washington,[10] Thomas Jefferson,[11] James Monroe,[12] W. Henry Harrison,[13] Eisenhower,[14] Ronald Reagan,[15] George W. Bush,[16] etc.
- Reversos de moedas de 1/4 dólar dos 50 estados e doutros territorios dos EEUU: Utah,[17] Arizona,[18] Porto Rico,[19] Illas Virxes,[20] etc.
- Serie de moedas de 10 dólares de ouro dedicada ás esposas dos presidentes: Martha Washington,[21] Abigail Adams,[22] Louisa Adams,[23] Anna Harrison,[24] etc.
Galería de traballos de Joseph Menna editar
![5 dólares. 2006. A/. "Cent. Ceca S. Francisco".[25]](/wiki/Ficheiro:2006_San_Fran_Gold_%245_prf_obv.JPG)
![1 dólar. 2007. A/. "George Washington".[26]](/wiki/Ficheiro:George_Washington_Presidential_%241_Coin_obverse.png)
![1 dólar. 2009. A/. "W. H. Harisson".[27]](/wiki/Ficheiro:William_Henry_Harrison_Presidential_%241_Coin_obverse.jpg)
![1/4 dólar. 2007 "Estado de Utah".[28]](/wiki/Ficheiro:2007_UT_Proof.png)
.jpg)
Notas editar
- ↑ 1,0 1,1 1,2 Smith, P. (2012).
- ↑ 2,0 2,1 Mucha, P. (2014).
- ↑ 3,0 3,1 Golino, L. (2019).
- ↑ 4,0 4,1 4,2 4,3 4,4 4,5 "Joseph Menna. Chief Engraver". United States Mint.
- ↑ 5,0 5,1 5,2 "New Chief Engraver at United States Mint". En Coins Weekly. 6 de marzo de 2019.
- ↑ "1 Cent "Lincoln Cent - Shield Reverse"". Numista.com
- ↑ "No Ordinary Joe: Joseph Menna, Medallic Sculptor". United States Mint.
- ↑ "American artist Joseph Menna commissioned to make statue of Sardar Vallabhai Patel in Gujarat". En The American Bazar. 14 de abril de 2014.
- ↑ "Joseph Menna". Numista.com
- ↑ "1 Dollar George Washington". Numista.com
- ↑ "1 Dollar Thomas Jefferson". Numista.com
- ↑ "1 Dollar James Monroe". Numista.com
- ↑ "1 Dollar William Henry Harrison". Numista.com
- ↑ "1 Dollar Dwight D. Eisenhower". Numista.com
- ↑ "1 Dollar Ronald Reagan". Numista.com
- ↑ "1 Dollar George H. W. Bush". Numista.com
- ↑ "¼ Dollar "Washington Quarter" Utah". Numista.com
- ↑ "¼ Dollar "Washington Quarter" Arizona". Numista.com
- ↑ "¼ Dollar "Washington Quarter" Puerto Rico". Numista.com
- ↑ "¼ Dollar "Washington Quarter" U.S. Virgin Islands". Numista.com
- ↑ "10 Dollars Martha Washington; Bullion Coinage". Numista.com
- ↑ "10 Dollars Abigail Adams; Bullion Coinage". Numista.com
- ↑ "10 Dollars Louisa Adams; Bullion Coinage". Numista.com
- ↑ "10 Dollars Anna Harrison; Bullion Coinage". Numista.com
- ↑ "5 Dollars San Francisco Old Mint Centennial". Numista.com
- ↑ "1 Dollar George Washington". Numista.com
- ↑ "1 Dollar William Henry Harrison". Numista.com
- ↑ "¼ Dollar "Washington Quarter" Utah". Numista.com
Véxase tamén editar
Bibliografía editar
- Golino, L. (2019). "The Coin Analyst: Chief Engraver Joseph Menna and the U.S. Mint’s Artistic Future". En Coin Week. 22 de novembro.
- Mucha, P. (2014). "Carving heroes and villains from virtual clay". En The Philadelphia Inquirer. 18 de marzo.
- Smith, P. (2012). "Menna, Joseph F.". En American Numismatic Biographies. Páxina 245.
- "AFi Interview with Sculptor Joseph Menna". Action Figure Insider. 19 de marzo de 2012.
- "Chief Engraver Joseph Menna". En The E-Sylum. Vol 22. Nº 24. 2019.
Outros artigos editar
Ligazóns externas editar
| Predecesor: John Mercanti |
 Gravador xefe da Casa da Moeda dos Estados Unidos Desde 2019 |
Sucesor: No cargo |