Joseba Asiron
Joseba Asiron Saez[1], nado en Pamplona o 14 de abril de 1962, é un historiador, profesor de ikastola e político navarro, alcalde de Pamplona pola coalición Euskal Herria Bildu desde decembro de 2023, cargo que xa ocupou entre o 13 de xuño de 2015 ata o 15 de xuño de 2019.
  | |
| Biografía | |
|---|---|
| Nacemento | 14 de abril de 1962 (62 anos) Pamplona, España |
 Alcalde de Pamplona | |
| 28 de decembro de 2023 – ← Cristina Ibarrola (pt)  | |
| Alcalde de Pamplona | |
| 13 de xuño de 2015 – 15 de xuño de 2019 ← Enrique Maya – Enrique Maya → | |
| Datos persoais | |
| País de nacionalidade | España |
| Educación | Universidade de Navarra - historia da arte Universidade de Zaragoza - historia da arte |
| Actividade | |
| Lugar de traballo | Pamplona |
| Ocupación | político , historiador da arte , mestre |
| Empregador | San Fermin Ikastola (en) |
| Partido político | Euskal Herria Bildu |
| Membro de | |
| Lingua | Lingua castelá e lingua éuscara |
Traxectoria editar
Naceu en Pamplona o 14 de abril de 1962, enriba da famosa Churrería da Mañueta. É licenciado en Historia da Arte pola Universidade de Zaragoza (1989) e doutor nesta materia pola Universidade de Navarra (2009) cunha tese sobre as torres de liñaxe, casas forte e pazos de cabo de armaría na Navarra medieval. É, ademais, profesor da ikastola San Fermín, na localidade de Zizur Menor, desde 1991. Está casado e é pai dunha filla e un fillo.
Presentouse como cabeza de lista de Euskal Herria Bildu á alcaldía de Pamplona nas eleccións municipais de 2015, nas cales a súa formación resultou a segunda forza máis votada tras UPN, que optaba á reelección de alcalde con Enrique Maya. Un pacto de investidura cuatripartito entre Geroa Bai, Aranzadi - Iruñea Denon Artean - Pamplona En Común (marca de Podemos) e Izquierda-Ezkerra (marca de IU)[2] outorgoulle o bastón de mando municipal na constitución do Concello o 13 de xuño de 2015, nunha votación na que Asirón obtivo 14 votos, Enrique Maya logrou 10 apoios, mentres que a socialista Maite Esporrín logrou 3 apoios.[3] Converteuse así no primeiro alcalde da esquerda abertzale na capital de Navarra, tras arrebatar a alcaldía a Unión del Pueblo Navarro (UPN) que gobernaba a cidade desde 1999, con Yolanda Barcina, primeiro, e Enrique Maya, despois.
Tras a súa investidura como novo alcalde, en declaracións aos medios, fixo alusión ao Privilexio da Unión (1423) que unificou os tres burgos de Pamplona no século XV, desexando que o seu mandato permitise "superar os fosos e as murallas que nos separaron".[4] Finalmente, concluíu recordando a frase que, en latín, aparece no lintel interior da porta 11 de acceso ao Concello de Pamplona: "A porta está aberta para todos, pero sobre todo o corazón" ("Patet omnibus jauna, cor valde magis").
Notas editar
- ↑ "Zinegotziak | Iruñeko Udala". www.pamplona.es. Consultado o 2021-08-29.
- ↑ "EH Bildu, Geroa Bai, Aranzadi e I-E cierran el acuerdo para que Asiron sea el nuevo alcalde de Pamplona". Diario de Noticias. Arquivado dende o orixinal o 04 de marzo de 2016. Consultado o 11 de xuño de 2015.
- ↑ Naiz (ed.). "El abertzale Joseba Asiron, proclamado alcalde de Iruñea por mayoría absoluta". Consultado o 13 de xuño de 2015.
- ↑ "Joseba Asirón (EH Bildu), elegido nuevo alcalde de Pamplona en el pleno celebrado esta mañana en el Ayuntamiento". Ayuntamiento de Pamplona. Arquivado dende o orixinal o 15 de xuño de 2015. Consultado o 13 de xuño de 2015.
Véxase tamén editar
Wikimedia Commons ten máis contidos multimedia na categoría: Joseba Asiron  |
Ligazóns externas editar
| Predecesor: Enrique Maya |
.svg){kind=small} Alcalde de Pamplona 13 de xuño de 2015 - 15 de xuño de 2019 |
Sucesor: Enrique Maya |