José Sevil
José Ricardo Sevil Sevil, coñecido como Ricardo ou Valenciano, nado en Abiego (provincia de Huesca) en 1911 e finado en Checoslovaquia, foi un militar e guerrilleiro antifranquista.
| Biografía | |
|---|---|
| Nacemento | 1911  Abiego |
| Morte | valor descoñecido Checoslovaquia |
Comisario político 1ª Brigada Mista (pt)  | |
| | |
| Datos persoais | |
| Outros nomes | Ricardo Valenciano |
| País de nacionalidade | España |
| Actividade | |
| Ocupación | membro da resistencia , oficial |
| Partido político | Partido Comunista de España |
| Lingua | Lingua castelá |
| Carreira militar | |
| Rama militar | Exército Popular da República |
| Conflito | Guerra civil española |
Traxectoria editar
Militante das Juventudes Socialistas Unificadas, na guerra civil foi nomeado comisario político da 1ª Brigada Mixta, logo do ascenso de Santiago Álvarez ao posto de comisario da 11 División.[1] Logo foi comisario da 45° División. Exiliado na URSS, participou na defensa de Moscova contra os nazis integrado nunha unidade de guerrilleiros como comisario político. En 1947 abandonou a Unión Soviética e trasladouse a Francia. Foi enviado a Galicia o 31 de outubro de 1949 como secretario xeral do PCE de Galicia coa misión de aplicar as consignas de desmilitarización da guerrilla e de entrismo no sindicato vertical, xunto con Valentín Fernández González. Os poucos guerrilleiros activos non estaban dispostos a obedecer as ordes de ser enviados ao estranxeiro. Substituíu a Manuel Fernández Soto como secretario do Comité Rexional e organizou o novo Comité con Melchor Díaz como secretario de organización, Valentín Fernández González, responsable do traballo no Exército e na Mariña, Francisco Rey Balbís, secretario de propaganda, Francisco Martínez Leira, delegado de Ferrol, José Antonio Cortiñas Blas (M. Vega), delegado da Coruña, un delegado de Pontevedra e O Madrileño, delegado de Vigo. No verán de 1951 aconselláronlle marchar a Francia para escapar da represión. Despois instalouse en Checoslovaquia, onde finou.
Vida persoal editar
Foi pai de Lidia Servil, que casou con Pedro García Iglesias en Checoslovaquia.[2]
Notas editar
Véxase tamén editar
Bibliografía editar
- Álvarez, Santiago (1991). "Testemuño de José Sevil". Memoria da guerrilla. Vigo: Xerais. pp. 211–212. ISBN 84-7507-535-5.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.
- Santidrián Arias, Víctor Manuel (2003). Historia do PCE en Galicia (1920-1968). Sada: Do Castro. pp. 303–317. ISBN 978-84-8485-079-3.