José Recimil
José Recimil Tábora, nado en Curantes (A Estrada) o 17 de setembro de 1929 e finado en Sarria o 19 de xuño de 2021, foi un político galego.
| Biografía | |
|---|---|
| Nacemento | 17 de setembro de 1929  Curantes, España |
| Morte | 19 de xuño de 2021 (91 anos) Sarria, España |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Traxectoria editar
Foi xefe dos servizos técnicos de Zeltia en Ourense. Logo de aprobar a oposición para técnico de extensión agraria, foi destinado en 1962 á axencia de Extensión Agraria de Ribadeo. Despois pasou a Ordes, Carballo, Monterroso, Mondoñedo e comarcal de Lugo, para rematar como xefe provincial do Servizo de Extensión Agraria de Lugo.[1]
Foi candidato de UCD ao Parlamento de Galicia pola provincia de Lugo nas primeiras eleccións autonómicas. Non resultou elixido, pero tomou posesión como parlamentario o 23 de marzo de 1983 substituíndo a Flora Veiga. Posteriormente ingresou en Coalición Galega. Volveu ser candidato, neste caso polo PPdeG, nas eleccións autonómicas de 1993, sen ser elixido, pero de novo tomou posesión como parlamentario o 12 de setembro de 1995 substituíndo a Nazario Pin. Foi presidente da Asociación micolóxica A Muiñeira de Sarria, e afeccionado á apicultura[2].
Notas editar
- ↑ La Voz de Galicia, Lugo, 24-1-1995, p. 36.
- ↑ Casanova, Ana (2021-06-19). "Sarria despide a José Recimil, exjefe de Extensión Agraria". El Progreso de Lugo (en castelán). Consultado o 2021-06-19.
Véxase tamén editar
Bibliografía editar
- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.