Xosé Ramón Vázquez Sandes
Xosé Ramón Vázquez Sandes, nado en Santa María de Neda[1] o 1 de setembro de 1929 e finado o 7 de outubro de 2016, foi un xuíz galego e Valedor do Pobo entre 2002 e 2007.
| Biografía | |
|---|---|
| Nacemento | 1 de setembro de 1929  Santa María de Neda, España |
| Morte | 7 de outubro de 2016 (87 anos) |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Premios | |
Traxectoria editar
Ingresou na carreira xudicial no ano 1956 e o seu primeiro destino foi o xulgado de primeira instancia de Sepúlveda (Segovia)[2]. Despois trasladouse a Salas de los Infantes (Burgos) e logo a Noia. Ascendeu a maxistrado no ano 1970 e foi destinado durante dous anos no xulgado de primeira instancia e instrución 2 de Badaxoz e a continuación incorporouse como maxistrado, a petición propia, á Audiencia Provincial de Pontevedra[2].
En 1985 foi nomeado presidente da Audiencia Provincial de Salamanca, cargo que ocupou ata 1990, cando foi nomeado presidente do Tribunal Superior de Xustiza de Galicia (TSXG).
Xubilouse o 1 de setembro de 1999, ao cumprir os regulamentarios 70 anos, e durante os meses seguintes exerceu como maxistrado emérito do Tribunal Supremo.
O 19 de febreiro de 2002 foi nomeado Valedor do Pobo polo Parlamento de Galicia, cargo do que tomou posesión o 1 de marzo dese mesmo ano. Rematoulle o mandato en marzo de 2006, pero tivo que seguir en funcións durante máis dun ano pola falta dun consenso político na súa substitución, ata xullo de 2007[2].
Vida persoal editar
Estivo casado con María Carmen Cueto Álvarez-Santullano e tivo catro fillos.
Ordes e condecoracións editar
- Medalla Castelao
- Cruz Distinguida de 1ª Clase e Cruz de Honra de San Raimundo de Peñafort
- Cruz do Mérito Policial
- Gran Cruz do Mérito Miliar.
Notas editar
- ↑ "Vocación de proximidad". La Voz de Galicia (en castelán). 2001-12-14. Consultado o 2020-04-13.
- ↑ 2,0 2,1 2,2 "Pesar na institución polo pasamento de José Ramón Vázquez Sandes, segundo valedor do pobo de Galicia". Valedor do Pobo. Consultado o 2020-04-13.
| Predecesor: Xosé Cora |
Presidente do TSXG 1990 - 1999 |
Sucesor: Xesús Souto Prieto |
| Predecesor: Xosé Cora |
Valedor do Pobo 2002 - 2007 |
Sucesor: Benigno López |